Taǵaıyndaý • 30 Shilde, 2020

Allen Sháıjúnisov QazExpoCongress-tyń basqarma tóraǵasy bolyp taǵaıyndaldy

48 ret kórsetildi

Saýda jáne ıntegrasııa mınıstriniń buıryǵymen Sháıjúnisov Allen Serjanuly "QazExpoCongress" UK" AQ basqarma tóraǵasy qyzmetine taǵaıyndaldy. Buǵan deıin osy laýazymdy atqarǵan E. Shormanov bergen ótinishine sáıkes qyzmetinen bosatyldy. Bul týraly Premer-Mınıstrdiń Baspasóz qyzmetine silteme jasaı otyryp Egemen.kz habarlaıydy.

Allen Sháıjúnisov 1981 jyly Shyǵys Qazaqstan oblysynda týǵan. Reseı Federasııasy Syrtqy ister mınıstrliginiń Máskeý memlekettik halyqaralyq qatynastar ınstıtýtyn, Qazaq qarjy-ekonomıka akademııasyn bitirgen. 

Eńbek jolyn 1998 jyly "Qazaqstankabel" JShS-nyń Reseı Federasııasy boıynsha menedjeri bolyp bastady. 

1999-2003 jj. — "Qazaqstandyq kabeldik kompanııasy" JShS-nyń Reseı Federasııasyndaǵy ókildiginiń menedjeri.

2003-2006 jj. — RF-daǵy QR Elshiliginiń úshinshi hatshysy, attashe.

2006-2008 jj. — Mańǵystaý oblysy ákiminiń apparaty jetekshisiniń orynbasary.

Túrli jyldary "Nur Otan" HDP Ortalyq apparaty Hatshylyǵynda, "Samuryq-Qazyna Kontrak" JShS-ynda, Qazaqstan Respýblıkasynyń velosıped sporty federasııasynda, QR Sport jáne dene shynyqtyrý isteri agenttiginde, "Qazaqstan fýtbol federasııasy" ZTB-da, "Astana EKSPO-2017" UK" AQ-da basqarýshylyq qyzmetterdi atqardy.  

2020 jyldyń qańtar aıynan bastap qazirge deıin "QazExpoCongress" UK" AQ basqarma tóraǵasynyń birinshi orynbasary qyzmetinde boldy.   

Sońǵy jańalyqtar

Uqsas jańalyqtar