Aımaqtar • 30 Shilde, 2020

48 mıllıon teńgeden astam jalaqy boıynsha bereshek óteldi

106 ret kórsetildi

#ANTIKOR.LIVE jobasy aıasynda "ANTIKOR ORTALYǴY" alańynda Nur-Sultan qalasy Kásipodaqtar ortalyǵy tóraǵasynyń mindetin atqarýshy Tólegen Kúnádilov, Kásipodaqtardyń sporttyq saýyqtyrý qoǵamynyń prezıdenti Baqytjan Esjanov pandemııa kezindegi  elordalyq kásipodaqtardyń jumysy týraly  jáne  "Salaýatty jumys oryndary"  baǵdarlamasy jóninde áńgimelep berdi.

Tólegen Kúnádilovtyń aıtýynsha, áleýmettik seriktestik taraptarymen birlese jumysshylardyń jappaı jumystan shyǵarylýyn, jumys oryndaryndaǵy eńbek jaǵdaılarynyń nasharlaýyn boldyrmaý úshin jumystar júrgizip jáne jalaqy boıynsha bereshekti únemi qadaǵalap otyrady.

Júrgizilgen jumys nátıjeleri boıynsha 2020 jyly 48 mıllıon teńgeden astam jalaqy boıynsha bereshek óteldi, osylaısha 250 qyzmetkerdiń eńbek jáne konstıtýsııalyq quqyqtary qorǵaldy. Aǵymdaǵy jalaqy boıynsha bereshek týyndaǵan jaǵdaıda kompanııalarǵa ákimshilik sharalar qoldanylady, sondaı-aq elorda ákiminiń orynbasary N.J.Nurkenovtyń tóraǵalyq etýimen ákimdiktegi jumys tobynyń otyrysynda qaralady.

Eńbek qatynastarynyń jaǵdaıy týraly jýyq araǵa taldaý málimetteri men boljamdary keltirilgen «Eńbek daýlarynyń kartasy» jasaldy. Eń ózekti máseleler boıynsha jumys toptary qurylyp, taldaý júrgizilip, tıisti sharalar qabyldanýda.

Sonymen qatar, kásipodaqtar elordadaǵy medısına qyzmetkerlerin qorǵaý máselesine belsendi aralasýda.

Atap aıtqanda, "SENIM" Densaýlyq saqtaý júıesi qyzmetkerleriniń salalyq kásiptik odaǵy" RQB qoldaýymen Astana fılıaly ómirdiń qıyn jaǵdaılaryna tap bolǵan jáne koronavırýs pandemııasyna baılanysty jarııalanǵan karantın jaǵdaıynda azamattardyń densaýlyǵyn belsendi qorǵaǵan «SENIM» kásipodaq múshelerine 1 mıllıon 250 myń teńge kóleminde syıaqy berdi.

Elordanyń №3 kópsalaly aýrýhanasynyń qyzmetkerleri úshin 2 mln teńgeden eki turǵyn úı sertıfıkaty bólinip jáne eki tońazytqysh satyp alyndy. Sonymen qatar,  kópsalaly aýrýhana men qoǵamdyq densaýlyq saqtaý basqarmasynyń qyzmetkerlerine 700 myń teńgeden astam somaǵa mýltıvıtamınder taratylyp,  №9 jáne №11 emhanalaryna  200 myń teńgege dezınfeksııalaý quraldary alynyp berildi. Koronavırýs ınfeksııasymen aýyrǵan jedel járdem qyzmetkerlerine materıaldyq kómek kórsetildi. Ftızıopýlmonologııa ortalyǵynyń qyzmetkerlerine 354 myń teńgege "Hrýstalnaıa" aýyz sýy satyp alyndy.

Medısına qyzmetkerleri kúnine oraı 100 myń teńgeden 5 sertıfıkat jáne 50 myń teńgeden 12 sertıfıkat bólindi.

Qazaqstandyq kásipodaqtardyń sporttyq-saýyqtyrý qoǵamynyń prezıdenti Baqytjan Esjanov óz sózinde densaýlyqty qoldaý, eńbek ónimdiligin jaqsartý jáne ult densaýlyǵyn saqtaýǵa qolaıly áser etý úshin 2020-2022 jyldarǵa arnalǵan "Salaýatty jumys oryndary" baǵdarlamasy ázirlengenin, onda eńbek kúnine óndiristik gımnastıkany, dene shynyqtyrý-úzilisterdi engizýdi, sondaı-aq elordanyń kásiporyndarynda, uıymdary men mekemelerinde dene shynyqtyrý ujymdaryn qurý kózdelgenin aıtyp ótti.

Dene shynyqtyrý ujymdaryn qurý qyzmetkerlerdiń densaýlyǵyna keshendi tásildi qoldanýdy, onyń ishinde ár qyzmetker úshin fızıkalyq belsendiliktiń jeke baǵdarlamalaryn ázirleýdi, medısınalyq tekserýge negizdelgen onyń bıometrııalyq kórsetkishterin esepteýdi qamtıdy. Mysaly, uıymdaǵy medısına mamany, kópkomponentti tásilderdi qoldana otyryp, salaýatty ómir saltynyń  ártúrli faktorlaryn, sonyń ishinde jetkilikti fızıkalyq belsendilikti, ońtaıly teńdestirilgen tamaqtanýdy jáne t.b. jeke usynystardy jasaýy kerek. Mundaı naqty jumys halyqtyń sportpen shuǵyldaný qajettilikterin jáne olardyń múmkindikterin anyqtaýǵa jáne eńbekshilerdiń qyzyǵýshylyǵyn arttyrýǵa múmkindik beredi.

Tájirıbe kórsetip otyrǵandaı, óndiristik gımnastıkanyń eńbek prosesine engizilýi, jaraqattanýdyń ortasha eseppen 17%-ǵa tómendeýine yqpal etedi, ujymda syrqattanýshylyqty 40-50%-ǵa,  eńbekke jaramsyzdyq kezeńin 20% -ǵa qysqartady, sozylmaly aýrýlardyń anyqtalýyn 10-15%-ǵa arttyrady jáne eńbekke ýaqytsha jaramsyzdyqtyń ortasha merzimin 30% - ǵa azaıtady.

Sońǵy jańalyqtar

Aýladaǵy «Ashyq kitaphana»

Aımaqtar • Búgin, 07:19

Syn aıtý ońaı...

Qoǵam • Búgin, 07:07

Siz nege túshkiresiz?

Rýhanııat • Búgin, 07:00

Indet juqtyrý qarqyny tejeldi

Qoǵam • Búgin, 06:57

Vırýsty joıatyn betperde óndiredi

Qoǵam • Búgin, 06:56

Álemdi ýysynan shyǵarar emes

Álem • Búgin, 06:54

Onlaın keńes ótkizdi

Saıasat • Búgin, 06:50

Shyǵystyń kıeli jerleri

Aımaqtar • Búgin, 06:48

Muzdyqtar «muńy»

Álem • Búgin, 06:41

Astyq tasymaldaýǵa daıyn

Ekonomıka • Búgin, 06:39

Eńbekpen er atanǵandar

Qoǵam • Búgin, 06:34

Qoı sharýashylyǵyn qunttasaq...

Ekonomıka • Búgin, 06:32

Vals koroli

Rýhanııat • Búgin, 06:30

Apple-di tańdandyrǵan Asqar

Aımaqtar • Búgin, 06:30

Bárimizge bir samǵaý qajet edi...

Ádebıet • Búgin, 06:24

Juldyzdaı aǵyp ótken jasyn-ǵumyr

Oqıǵa • Búgin, 06:20

Festıval eki kúnge jalǵasty

Abaı • Búgin, 06:18

Qaı elderge shyǵýǵa ruqsat berilgen?

Týrızm • Búgin, 06:13

Elektrondy qyzmet úlesi ósti

Tehnologııa • Keshe

Uqsas jańalyqtar