Úkimet • 30 Shilde, 2020

Qorǵanys mınıstri tótenshe jaǵdaı saldaryn joıý boıynsha jumystardy ınspeksııalady

13 ret kórsetildi

Arys qalasyndaǵy Arsenaldaǵy tótenshe jaǵdaıdan keıin Qarýly Kúshterdiń áskerı qyzmetshileri kún saıyn oq-dárilerdiń fragmentterin jınaý jáne joıý boıynsha tynymsyz jumys atqarýda.

Jumys barysy Qorǵanys vedomstvosynyń basshysynyń jeke baqylaýynda. Qorǵanys mınıstriniń Arys garnızonyna jumys sapary turaqty negizde oryndalady.

Jedel toptyń aǵa basshysy polkovnık N.Qonysovtyń baıandamasyn tyńdap, qorǵanys vedomstvo basshysy aýmaqty aralap, oq-dárilerdisaqtaý tártibi men jaǵdaıymen tanysty. Arsenaldyń ınfroqurylymyn jáne tehnıkalyq aımaǵyn qarady. Ol áskerı qyzmetshilermen kezdese otyryp, ınjenerlik bólimshelerge oq-dárilerdiń fragmentterin joıý boıynsha naqty nusqaýlar berdi.

Nurlan Ermekbaev kezekti ret, arnaıy mamandandyrylǵan polıgondaǵy jarylý qaýpi bar fragmentterdi joıý boıynsha qazý jumysynyń barysymen tanysty.

Qabyldanǵan sharalar Arystaǵy jáne mańyndaǵy halyq úshin qajetti qaýipsizdik deńgeıin qamtamasyz etýge múmkindik beredi. Negizgi jumystar №1 tehnıkalyq aýmaqta, jáne onyń aınalasyndaǵy 20 shaqyrym aımaqta júrgizilýde. Maqsaty, kez-kelgen kúdikti zattardy izdeý bolyp tabylatyn tutas tazartý jumystary úshinshi ret júrgizilýde.

Jıyntyq jasaqtardyń áskerı mamandarynyń joǵary psıhologııalyq jáne fızıkalyq júktemelerine baılanysty olardy rotasııalaý turaqty negizde júrgiziledi.

Áskerı qyzmetshilerdiń daǵdylary jaqsarǵany baıqalyp, tıimdi jaýyngerlik tájirıbe jınady. Áskerıler óńirdegi barlyq bılik organdarymen tyǵyz qarym-qatynas ornatty, oq-dáriler tabylǵan jerge barý úshin mobıldi toptar qurdy, jergilikti turǵyndarǵa da medısınalyq kómek kórsete alatyn, medısınalyq qamtamasyz etýdi uıymdastyrdy.

Jaǵdaıydyń saldaryn joıý úshin áskerı bólimniń tehnıkalyq aımaǵynda 900-ge jýyq áskerı qyzmetshi men 130 birlik arnaıy jáne áskerı tehnıka jumyldyryldy, barlyq qaýipsizdik sharalary tolyq kólemde saqtaldy, sonymen qatar jarylys qaýpi bar jáne jarylys qaýpi joq zattardy izdeý jáne suryptaý júzege asyrylýda.

Áskerı qyzmetshilerdiń turǵyn qalashyǵynyń ınfraqurylymy tolyqtaı qalpyna keltirildi.

Aldyn ala qabyldanǵan sharalar kesheni saldardy barynsha azaıtýǵa múmkindik berdi. Oǵan Reseıdegi, AQSh-taǵy jáne BUU-nyń mınaǵa qarsy ortalyǵyndaǵy sarapshy mamandarynyń qorytyndylary kýá.

Tekserý aıaqtalǵannan keıin Qorǵanys mınıstri jeke quramǵa alǵys aıtyp, kúrdeli klımattyq jáne epıdemıologııalyq jaǵdaılarynda jumystaryn jalǵastyrǵan barlyq qyzmet pen bólimshelerdińqurama jasaqtyń qyzmetine joǵary baǵa berdi.  

Sońǵy jańalyqtar

Dárini qymbatqa satqandar ustaldy

Aımaqtar • Búgin, 19:20

Atyraý oblysyna 110 jas muǵalim keledi

Aımaqtar • Búgin, 18:25

QHL: Vıza bermeı jatyr

Hokkeı • Búgin, 15:18

Tennıs: Qos jerlesterimiz de jeńildi

Tennıs • Búgin, 14:51

COVID-19 adamnan ıtke juqqan

Koronavırýs • Búgin, 14:15

Rýdnyı turǵyny esirtkimen ustaldy

Aımaqtar • Búgin, 13:32

Qıyn kezeń artta qaldy - mınıstr

Qazaqstan • Búgin, 11:14

Uqsas jańalyqtar