Qazaqstan • 30 Shilde, 2020

5 tamyzda jumysy jandanatyn nysandar qandaı talaptardy saqtaýy kerek?

1370 ret kórsetildi

Bul týraly Premer-Mınıstrdiń orynbasary Eraly Toǵjanov málimdedi, - dep habarlaıdy Egemen.kz.

"Negizgi maqsatymyz – jetistikterdi odan ári jetildirdi. Búgin memleketaralyq komıssııa karantındik sharalardy taǵy 2 aptaǵa sozýǵa sheshim qabyldady. Úkimet ákimdiktermen birge eldegi epıdemıologııalyq jaǵdaıdy baqylaıdy. О́zderińizge belgili, karantındik sharalardyń birinshi etabynan keıin ashý josparlanǵan nysandardyń tizimi jasaldy. Bul – saýda úıleri, oıyn-saýyq ortalyqtary, saýda jeliler, azyq-túlik jáne basqa da bazarlar, balalarǵa arnalǵan korreksııalyq kabınetter, bilim ortalyqtary, damytý ortalyqtary, úıirmeler, mektepke deıingi ortalyqtar, sulýlyq salondary, shashtaraz, kosmetıkalyq jáne kosmetologııalyq ortalyqtar. aldaǵy eki apta kásipkerlik sýbektileri úshin ashylýǵa daıyndyq jasaýǵa jaqsy múmkindik", - dedi Eraly Toǵjanov.

Onyń sózinshe, keshe komıssııa barlyq másele "Atameken" palatasymen aqyldasqan. Árbir bıznes nysany boıynsha jeke-jeke sheshim qabyldanady. 5 tamyzǵa deıin Densaýlyq saqtaý mınıstrligi ashylatyn nysandarǵa qoıylatyn talapty jarııalaıdy.

"Talapqa sáıkes kásipkerlik sýbektiler qatań sanıtarlyq normany saqtaýǵa tıis Maska taǵyp, ishke sanıtaızer qoıyp, dezınfeksııa jasaýy tıis. Áleýmettik araqashyqtyq syzyqtaryn qoıady. Ár nysan ashylar aldynda tekseriledi. Tek talap saqtalǵanda ǵana akt berilip, ruqsat alady", - dep málimdedi ol.

Sońǵy jańalyqtar

Uqsas jańalyqtar