Taǵaıyndaý • 30 Shilde, 2020

E. Ospanov Eńbek jáne halyqty áleýmettik qorǵaý vıse-mınıstri bolyp taǵaıyndaldy

56 ret kórsetildi

QR Úkimetiniń qaýlysymen Erbol Dúısebaıuly Ospanov QR eńbek jáne halyqty áleýmettik qorǵaý vıse-mınıstri qyzmetine taǵaıyndaldy. Bul týraly QR Premer-Mınıstriniń Baspasóz qyzmeti habarlaıdy.

Erbol Ospanov 1977 jyly Ońtústik Qazaqstan oblysynda dúnıege kelgen. 1998 jyly Ál-Farabı atyndaǵy Qazaq memlekettik ulttyq ýnıversıtetin "Qoldanbaly matematıka" mamandyǵy boıynsha, 2002 jyly Qazaq ulttyq agrarlyq ýnıversıtetin "Qarjy jáne nesıe" mamandyǵy boıynsha támamdaǵan.

Eńbek jolyn 1999 jyly "Kazgıprojeldortrans" temir jol kóliginiń nysandary men aqparattyq júıelerin jobalaýdyń qazaqstandyq tehnıkalyq-ekonomıkalyq zertteýler ınstıtýty" AQ-da 1-sanatty ınjener bolyp bastady.

2000-2001 jyldary — "Kazgıprojeldortrans" temir jol kóliginiń nysandary men aqparattyq júıelerin jobalaýdyń qazaqstandyq tehnıkalyq-ekonomıkalyq zertteýler ınstıtýty" AQ fılıalynyń jetekshi ınjeneri.

2001-2006 jyldary "Qazaqstan temir jol kóligi ǵylymı-zertteý ınstıtýty" JShS jobalar jetekshisi bolyp jumys istedi.

2006-2007 jyldary — "Qarjy júıelerin aqparattandyrý ortalyǵy" AQ aqparattyq júıelerdi ázirleý basqarmasynyń júıelik taldaý jáne bıznes josparlaý bóliminiń jetekshi ınjener-jobalaýshysy.

2007-2010 jyldary "Ulttyq aqparattyq tehnologııalar" AQ-da jumys istedi, onda memlekettik organdardyń AKT-bólimshelerin qurý departamentiniń bas mamany, memlekettik organdardyń AKT-bólimsheleriniń jumys isteýi jónindegi baǵdarlamanyń AKT-prosesteriniń bas menedjeri, quzyret ortalyǵy dırektorynyń orynbasary, quzyret ortalyǵynyń dırektory laýazymdaryn atqardy.

2010-2012 jyldary "Zerde" ulttyq ınfokommýnıkasııalyq holdıngi" AQ basqarýshy dırektory, aqparattyq-kommýnıkasııalyq tehnologııalardy damytý departamentiniń dırektory qyzmetterin atqardy.

2012-2016 jyldary "Zeınetaqy tóleý jónindegi memlekettik ortalyq" RMQK-da bas dırektordyń birinshi orynbasary, bas dırektordyń orynbasary bolyp jumys istedi.

2016-2020 jyldary "Eńbek resýrstaryn damytý ortalyǵy" AQ vıse-prezıdenti, birinshi vıse-prezıdenti, prezıdenti qyzmetterin atqardy.

Sońǵy jańalyqtar

Uqsas jańalyqtar