Aımaqtar • 30 Shilde, 2020

Jambyl oblysynda mal urlaǵandar ustaldy

164 ret kórsetildi

Jambyl oblysynda mal urlaǵandar ustaldy. Oblystyq Polısııa departamentiniń málimetinshe, Qordaı aýdanynda 28-30 jas aralyǵyndaǵy Ańyraqaı aýylynyń 3 turǵynynan quralǵan top anyqtalǵan. Olar jaqyn mańda ornalasqan "Raısaı" jaıylymynan jergilikti "Qalıjan" sharýa qojalyǵyna tıesili 10 bas sıyrdy urlaǵan, - dep jazady Egemen.kz

Ustalǵandardyń barlyǵy atalǵan sharýa qojalyǵynda shopan bolyp jumys istegen. Olar áýeli 4 iri qarany, birneshe kúnnen keıin taǵy 6 iri qarany urlaǵan. Shyǵyn 3,2 mıllıon teńgeni quraıdy.

Al, Almaty oblysynyń 36 jastaǵy turǵyny ózi ǵana Moıynqum aýdany, Moıynqum aýylynyń mańynda ornalasqan "Bektaı" jaıylymynan 9 bas iri qarany urlaǵan. Urlanǵan maldyń ıesine 2,7 mıllıon teńge kóleminde zalal keltirilgen. Departamenttiń málimetinshe, ustalǵandardyń barlyǵy óz kinásin tolyq moıyndap, maldar ıelerine qaıtarylǵan. Tergeý basqarmasy qylmystyq isterdi Qazaqstan Respýblıkasy Qylmystyq Kodeksiniń 188-1-baby 2,3-bóligi, mal urlyǵy boıynsha sotqa jibergen. Atalǵan qylmys úshin olardyń múlki tárkilenip, 3 jyldan 7 jylǵa deıin bas bostandyǵynan aıyrý jazasy qarastyrylǵan.

Qazirgi kezde Jambyl oblysynyń Polısııa departamenti mal ıelerine qyraǵylyq tanytýǵa, maldaryn jaıylymda qaraýsyz qaldyrmaýǵa jáne beımálim adamdarǵa senbeýge shaqyrýda. Ásirese Qurban aıt merekesi qarsańynda  urlyq jasaý yqtımaldyǵy edáýir artýy múmkin ekendigin, azamattarǵa óz maldaryn baqylaýdy kúsheıtýi qajet ekendigin eskertedi.

 

Jambyl oblysy

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar