Rýhanııat • 31 Shilde, 2020

Ulyq meıram

59 ret kórsetildi

Búgin álem musylmandarymen qatar qazaqstandyq jamaǵat ta Islamdaǵy eń ulyq mereke – Qurban aıt meıramyn qarsy alyp, onyń alǵashqy kúnin erekshe yqylaspen atap ótýde.

Qurban aıt meıramy bıyl pandemııa jaǵdaıynda uıym­das­tyrylyp otyr, naqtylaı aıtqanda qalyptasqan ahýalǵa baılanysty Qazaqstan musylmandary dinı basqarmasynyń pátýasy boıynsha meshitterde Aıt namazy oqylǵan joq ári osy merekege qatysty dástúrli jón-joralǵylarǵa, dinı rásimderge ıslam sharttaryn saqtaı otyryp az-kem ózgerister men shekteýler engizildi. Munyń bári halyq densaýlyǵyn saqtaý, qorǵaý maqsatynda qolǵa alynǵandyqtan, halqymyz QMDB sheshimderine qoldaý bildirdi.

Aıtýly merekede Qazaqstan musyl­man­dary rııasyz peıilmen, Jaratqanǵa degen bıik senimmen Alla jolynda qurban shalyp, izgilik pen qaıyrymdylyqtyń, qanaǵat pen sabyrlyqtyń ozyq úlgisin kórsetip, kómekke muqtaj jandarǵa qol ushyn sozyp, olardyń bata-tilegin alyp, alǵysyna bólenýde.

San ǵasyrlardan beri Islam dinin rýha­nı tiregine, temirqazyǵyna aınaldyrǵan hal­qymyz Qurban aıtqa degen yqylas-nıetin merekege aıryqsha daıyndalýymen de bil­dirdi. Ulyq meıram kezinde salt-sanaǵa sińip, dástúr retinde qalyptasqan, yjda­­hat­tylyqpen oryndalatyn qulshy­lyq­­tar men dinı rásimder izgi nıetpen atqa­ry­lý­da. Bul óz kezeginde Qurban aıttyń, onyń aıa­synda oryndalatyn dástúrli rá­sim­derdiń hal­qymyzdyń rýhanı bolmysynyń ajyramas bir bóligi bolyp ketkenin kórsetse kerek.

Qurban aıt – musylmandardyń Allaǵa degen súıispenshiligi aıqyn kórinetin meıram. Bul merekede Alla razylyǵy úshin qurbandyqqa mal shalynady. Qasıetti Quranda: «Umytpańdar, olardyń eti de, qany da eshqashan Allaǵa jetpeıdi. Oǵan jetetin nárse – júrekterińizge uıalaǵan taqýalyqtaryń (shynaıy nıet­teriń)» («Haj» súresi, 37-aıat), – delingen. Bul jerde Alla jolynda jaqsylyq jasaýǵa nıettengen adam qurbandyq shalý amalyn rııasyz oımen iske asyrady.

О́kinishke qaraı, Qurban aıtta pandemııa jaǵdaıyna baılanysty jamaǵatpen qulshylyq jasaı almadyq. О́ıtkeni Al­la­nyń amanaty sanalatyn ha­lyq densaýlyǵyn saqtaý – mu­­­sylmandyq basty min­det bol­ǵandyqtan osylaı boldy.

Búginde búkil álem indet aranynyń aýzynda tur. Bul aýyrtpalyq bizdiń elimizge de ońaı tıip turǵan joq. Sondyqtan asa meıirimdi, erekshe qamqor Alla Taǵaladan osy synaqtyń tezirek aıaqtalýyn, onyń sońy jaqsylyqqa ulasýyn tileımiz.

Alla Taǵala indettiń betin qaıtaryp, onyń izin de qaldyrmaı, jaqsylyǵy men ıgiligin kór­setkeı. Aty jaman dertten kóz jumǵandardy panasyna alyp, syrqattanyp jatqandarǵa shıpasyn bergeı. Eńseli elimiz aman, yntymaǵy jarasqan halqymyz tynysh bolsyn. Qurban aıtta jasaǵan barlyq qulshylyq amalymyz Allanyń tarapynan qabyl bolǵaı.

 

Sońǵy jańalyqtar

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Indetten jazylǵandar sany 73 702-ge jetti

Koronavırýs • Búgin, 09:25

108 bala stasıonarda em qabyldap jatyr

Koronavırýs • Búgin, 09:20

Bir aptada koronavırýstan 211 adam kóz jumdy

Koronavırýs • Búgin, 09:15

Týrnırge qatysýdan bas tartýda

Tennıs • Búgin, 08:18

QHL kestesi jarııalandy

Hokkeı • Búgin, 08:16

Taıjan murasy tozbaıdy

Rýhanııat • Búgin, 08:15

95 jasynda kýálik aldy

Oqıǵa • Búgin, 08:11

Jemqorlar alleıasy kerek pe?

Saıasat • Búgin, 08:03

Ekpeni ózderine saldyrdy

Qoǵam • Búgin, 08:00

Pandemııa kezindegi perzenthana

Medısına • Búgin, 07:57

Otandyq vaksına daıarlaýdaǵy oń izdenis

Medısına • Búgin, 07:49

Adamzat ıgiligine aınalǵan mura

Oqıǵa • Búgin, 07:45

Uqsas jańalyqtar