Qoǵam • 31 Shilde, 2020

Jurt kútken joldan kóp kemshilik anyqtaldy

776 ret kórsetildi

Byltyr Qyzylorda oblysyndaǵy Qazaly men Aral aýdan­dary aýyldaryn jalǵastyryp jatqan «Bekarystan bı – Jańaqurylys» baǵytyndaǵy jol qaıta salyna bas­tap, osy jańalyqty uzaq jyl kútken jurtshylyqtyń kóńilinde bir úmit oıanyp edi. Ásirese, 33 jyldan beri jóndeý kórmegen jolǵa túse bastaǵan asfaltqa Aral aýdanyndaǵy Jańaqurylys pen Qaratereń aýylynyń turǵyndary qatty qýandy.

Bas-aıaǵy 33 shaqyrymdyq joldyń 11 shaqyrymy Qazaly­nyń aýmaǵynda jatyr. Al qalǵan bóligin Aral aýdandyq turǵyn úı-kommýnaldyq sharýa­shylyǵy, jolaýshylar kóligi jáne avtomobıl joldary bó­limi óz teńgerimine alyp, byl­tyr tamyz aıynda jol tóseý bastalyp ketti. Jylǵa jýyq ýaqyt aralyǵynda kúre jol­dyń 9 shaqyrymyna asfalt túsip úlgerdi. Biraq «Jol aktıvteri ulttyq sapa or­talyǵy» RMK Qyzylorda oblystyq fı­­lıa­ly júrgizgen tekserý osy 9 shaqyrymnyń talapqa saı emestigin anyqtap otyr. Bastapqy tekserý osy jyldyń mamyr aıynda júrgizilip, onda asfalttiń qalyńdyǵy talapqa saı emestigi belgili bolǵan. Joba boıynsha joldyń qalyńdyǵy 6 santımetr bolýy tıis eken, biraq tekserý barysynda onyń nebári 3-4 santımetr ekeni anyqtalǵan. Tipti asfalt quramynyń sapasy da syn kótermeıtin bolyp shyqty. Fılıal mamandary merdiger «NurTehServıs» jaýap­kershiligi shekteýli serik­testigine anyqtalǵan kemshilik­terdi tez arada retke keltirýdi min­dettepti. Araǵa aı aralatyp, qaıta júrgizilgen tekserý bul talaptyń oryndalmaǵanyn kórsetip otyr.

– «Ekinshi tekserýde de esh­qandaı jóndeý sharalary júrgizilmegendigi anyqtaldy. Asfalt qalyńdyǵy áli de ta­­lap­qa saı emes. Tekserý qo­ry­­tyndysy jaıly tıisti oryn­­darǵa hat joldadyq, – deıdi «Jol aktıvteri ult­tyq sapa ortalyǵy» RMK Qy­­zyl­or­da ob­lystyq fılıaly bas­shy­sy­nyń mindetin atqarýshy Er­jan Ýsmanov.

Jol qurylysy bastalǵan sátte-aq Jańaqurylys aýyly­nyń turǵyndary asfalttyń tym juqa ekenin baıqaǵan eken. Biraq merdiger kompanııa ókil­deriniń ýádesine senipti.

– 33 jyldan keıin salynyp otyrǵan joldy bizdiń aýyl ǵana emes, qaratereńdik aǵaıyn da uzaq kútip edi. Endi onyń sa­pa­­syz salynǵanyn estip, qýa­ny­shymyz sý sepkendeı basylyp qaldy. Jol tirshilik kózi ekeni árkimge de belgili ǵoı. Biz­diń tilek – jergilikti bılik osy máselege nazar aýdaryp, ha­lyq­tyń arman-tilegin oryndasa, – deıdi Jańaqurylys aýyl­dyq ardagerler keńesiniń tóraǵasy Serdaly Shalbaev.

 

Qyzylorda oblysy

 

Sońǵy jańalyqtar

Prezıdent Ahmetjan Esimovti qabyldady

Prezıdent • Búgin, 18:21

Qyzylordada eki kúnde 36 adam ustaldy

Aımaqtar • Búgin, 17:51

Sora ekken turǵyn tergelýde

Aımaqtar • Búgin, 16:33

Alaqandaı Artem: 980 gramm ómir

Qoǵam • Búgin, 16:00

Arzan ton alamyn dep aldanyp qaldy

Aımaqtar • Búgin, 14:30

Bir aıda 20 mln teńge aıyppul

Aımaqtar • Búgin, 09:12

56 shaqyrymdy júzip ótti

Sport • Búgin, 08:33

Bıznesti qoldaý mańyzdy

Saıasat • Búgin, 08:24

Uqsas jańalyqtar