Ekonomıka • 31 Shilde, 2020

Medısınalyq-áleýmettik mekemelerdiń jumysy ashyq bolýy tıis

9 ret kórsetildi

Búginde medısınalyq-áleýmettik mekemelerde kórsetiletin qyzmetterdiń sapasyn arttyrý maqsatynda qoǵamdyq keńester qurylyp, bıýdjet týraly aqparat ashyq túrde jarııalanýda, qyzmet alýshylarǵa ǵalamtor qoljetimdi. Iаǵnı qoǵamǵa ashyqtyq máselesi qamtamasyz etilýde. Sonymen qatar stasıonarlyq sıpattaǵy mekemelerde turatyn 18 myńnan astam qyzmet alýshy SOVID-19-ǵa test tapsyrdy. Stasıonarlyq sıpattaǵy MÁM jumysyn jaqsartý jáne qyzmet sapasyn kóterý máseleleri alǵash ret onlaın túrde ótken Qazaqstannyń áleýmettik qyzmetkerleriniń II forýmynda talqylandy.

Eńbek jáne halyqty áleýmettik qor­ǵaý vıse-mınıstri Erlan Áýkenovtiń tór­aǵalyǵymen ótken sharaǵa Adam quqyq­tary jónindegi ýákil Elvıra Ázimova, MÁM dırektorlary men áleýmettik sala qyzmetkerleri qatysty.

Erlan Áýkenov óz sózinde Eńbek jáne halyqty áleýmettik qorǵaý mınıstrligi arnaıy áleýmettik qyzmetterdiń sapasyn arttyrý boıynsha júıeli jumys júrgi­zip jatqanyn atap ótti. MÁM qyzmetin je­tildirý maqsatynda mınıstrlik jer­gi­lik­ti atqarýshy organdar men qoǵamdyq birlestikterdiń usynystaryn jınady. Barlyǵy 174 usynys kelip tústi, onyń 150-den astamy vedomstvonyń 7 buı­ryǵyna ózgeris engizýge, qalǵany Úki­met qaýlylaryna, 2 kodekske jáne qol­danystaǵy 5 zańǵa qatysty. Usy­nys­tar­dyń kóbi arnaıy áleýmettik qyzmetter kórsetý standarttarynyń ózgerýine baılanysty. Mysaly, MÁM qyzmetterin alýshylar úshin kıim, aıaqkıim, tósek-oryn jáne jeke gıgıena zattarynyń eń tómengi normasyn arttyrýǵa jáne qol­daný merzimin qysqartýǵa qatysty usy­nystar bar. Arnaıy áleýmettik qyz­metke júgingen kezde usynylatyn qu­jat­tar tizimin ońtaılandyrý, mekemeden shyǵarý erejesin qaıta qaraý, MÁM qyz­metkerleriniń mindetterin naqtylaý jóninde basqa da usynystar tústi. Bul usy­nystar muqııat qaralady.

Búgingi tańda Qazaqstanda 12 myńǵa jýyq áleýmettik qyzmetker jumys is­teı­di, olardyń 10 myńy MÁM aıasynda qyzmet kórsetedi. Forým barysynda áleý­mettik qyzmetkerlerdiń kásibı ádebi jónindegi ádistemelik usynystar tanys­tyryldy. Qujat qyzmet alýshylarǵa, áleý­mettik qyzmetkerlerdiń minez-qul­­qyna qatysty 5 taraýdan turady. Usy­nystarda áleýmettik qyzmetkerlerdiń ádep qaǵıdalary men negizgi minez-qulyq standarttary kórsetilgen. Jaqyn arada bular is júzinde engiziledi.

Forým barysynda áleýmettik qyz­met­ker mártebesin kóterý máselesi de aıtyldy.

«Memlekettik deńgeıde olardyń quzy­reti men mańyzyn arttyrý qajet. Mysaly, Eńbek kodeksine jumyskerlerdiń jekelegen sanattarynyń eńbegin retteý týraly bólim engizýge bolady. Áleýmettik qyzmetkerge eńbek naryǵynda mártebe men kepildik berilýi kerek. Áleýmettik qyzmetkerdi jáne onyń otbasy múshelerin áleýmettik qamtamasyz etý qajet. Biz olar­dy tıisti áleýmettik qorǵaý arqyly ǵana ádep qaǵıdalarynyń saqtalýyn ta­lap ete alamyz», dedi Prezıdent janyn­daǵy Áıelder isi jáne otbasylyq-demo­gra­fııalyq saıasat jónindegi ulttyq komıs­sııanyń tóraıymy Lázzat Ramazanova.

Buǵan deıin MÁM jumysyn jaqsartý maqsatynda oblystar men respýblıkalyq mańyzy bar qalalardyń ákimdikterine 22 tarmaqtan turatyn sharalardy qabyldaý usynyldy. Onyń ishinde qoǵamdyq ke­ńester qurý, ashyqtyq qaǵıdatyn en­gi­zý, qyzmet alýshylardy ǵalamtormen qamtamasyz etý, barlyq mekemeni beıne­baqylaýmen qamtý, kameralardaǵy jaz­balarǵa qyzmet alýshylardyń týystaryna qoljetimdilikti qamtamasyz etý, qajet bolǵan jaǵdaıda kúrdeli jáne aǵymdaǵy jóndeý jumystaryn júrgizý, shalǵaı aýyldarda ornalasqan mekemelerdi qalalar men aýdan ortalyqtaryna kóshirý jáne mekemeler jumysyn jaqsartý jónindegi basqa da sharalar bar.

Áleýmettik qyzmetter saıasatyn damytý departamentiniń dırektory Dámejan Sádýaqasovanyń aıtýynsha, MÁM jumy­synda shaǵymdardy taldaý men keri baılanys ornatýǵa erekshe kóńil bólinedi.

«Shaǵymdar men ótinishter negizinde, onyń ishinde áleýmettik jeliler boıynsha táýekelder kartasyn jasaý kerek. Táýekelder kartasy olqylyq anyqtalǵan óńirde ǵana emes, aldyn alý maqsatynda basqa óńirlerde de jasalýy qajet», dedi Dámejan Sádýaqasova.

О́tken kezeń ishinde merzimi aıaqtalýǵa jaqyn usynystardy oryndaýdyń oń úrdisin kórýge bolady. Bul tusta usy­nys­tardyń oryndalýynyń eń joǵary paıyzy Aqmola, Aqtóbe, Jambyl, Qostanaı oblystarynda jáne Nur-Sultan qala­syn­da baıqaldy. Usynystardy iske asy­rý nátıjeleri boıynsha arnaıy áleý­mettik qyzmetter usynatyn 113 or­­ta­lyqtyń 74-i wi-fi bar ǵalamtormen qam­­tamasyz etilgen. Bul mekemelerdiń bar­lyǵynda qoǵamdyq keńes quryldy, áleý­­mettik jelilerde akkaýnttary ashyldy. 95 MÁM bıýdjeti ashyq túr­de jarııalandy. MÁM basshylyǵy men qyz­metkerleri qamqorlyqtaǵy jandar­dyń jaqyndarymen tyǵyz baılanys or­natqan.

«Bizdiń mindetimiz – ashyqtyqty art­tyrý, qyzmet alýshylarmen jumys sıpa­tyn ózgertý. Bul úshin bıýdjet ashyq­tyǵyn qamtamasyz etý, MÁM jaǵdaıyn egjeı-tegjeıli qaraý jáne ortalyqtar usynatyn qyzmetterdiń sapasyn arttyrý máselelerin kóterý qajet. Barlyq usynystyń oryndalýyn baqylaý – qazirgi kezde Eńbek, áleýmettik qorǵaý jáne kóshi-qon komıteti, sondaı-aq aýmaqtyq departamentter aldynda turǵan basty mindet», dedi E.Áýkenov.

Qyzmet alýshylardyń ómir súrý sapasyn jaqsartýǵa baǵyttalǵan usynystardy oryndaý boıynsha jumys jalǵasady. Eske sala keteıik, búginde elimizde sta­sıo­narlyq tıptegi 113 medısınalyq-áleý­mettik mekeme bar, onda 21 myńnan astam qyzmet alýshy turady.

 

Sońǵy jańalyqtar

Dárini qymbatqa satqandar ustaldy

Aımaqtar • Búgin, 19:20

Atyraý oblysyna 110 jas muǵalim keledi

Aımaqtar • Búgin, 18:25

QHL: Vıza bermeı jatyr

Hokkeı • Búgin, 15:18

Tennıs: Qos jerlesterimiz de jeńildi

Tennıs • Búgin, 14:51

COVID-19 adamnan ıtke juqqan

Koronavırýs • Búgin, 14:15

Rýdnyı turǵyny esirtkimen ustaldy

Aımaqtar • Búgin, 13:32

Qıyn kezeń artta qaldy - mınıstr

Qazaqstan • Búgin, 11:14

5 balaly otbasyna baspana satyp alyp berdi

Aımaqtar • Búgin, 10:26

Uqsas jańalyqtar