Áleýmettik mekemelerdiń sanıtarlyq qaýipsizdigi baqylaýda

Olar – provızorlyq stasıonarlarda qyzmet etken dárigerler men orta jáne kishi dárejedegi medısınalyq qyzmetkerler. Jedel járdemde qyzmet etken dárigerler men feldsherler de osy sanatqa kiredi. Biraq sany jaǵyna keletin bolsaq, qosymsha aqy alǵandardyń 52 paıyzy – úshinshi toptaǵy táýekel aımaǵynda jumys isteıtinder. Olardyń sany shildeniń sońynda 80,5 myń adamǵa jetti. Táýekeli asa qaýipti jaǵdaıda qyzmet etip, qosymsha aqy alǵan mamandardyń da sany da artyp keledi. Olardyń sany respýblıka boıynsha naýryz aıynda 19 myń bolsa, qazir 53 myń adamnan asqan.

Osy qor arqyly qosymsha qarajat alǵandardyń sany keıbir oblystarda negizsiz asyp ketkeni de belgili boldy. Sonyń ishinde Soltústik Qazaqstan oblysynyń ma­mandaryna 101 mln teńgeni artyq tólegeni anyqtaldy. О́ńirde qo­symsha aqy alýshylardyń arasyna ákimshilik bloktyń qosymsha personaldaryn da engizip qoıypty. Sonyń ishinde kir jýatyndar, kartop tazalaıtyndar, tipti san­teh­nıkterge deıin enip ketken eken. Olar medısınalyq qyz­met­kerler bolmaǵandyqtan qordan tólengen qosymsha qarajat qaı­tarylǵan. Árıne olardyń da eńbegin yntalandyrýǵa bolady, biraq qordyń esebinen emes, medısınalyq mekemeniń óz ese­bi­nen nemese jergilikti bıýd­jettiń kómegi arqyly ǵana.

Indetpen kúreste sońǵy kez­de­ri jeke azamattardyń, bıznes ókilderiniń halyqqa jasaǵan ja­na­­­shyr­lyǵy kóp aıtylyp jatyr. Degenmen memleket te qarap otyr­ǵan joq, Memlekettik áleý­met­tik saqtandyrý qory esebinen aýyr synaqtan halqymyzdy qutqarýǵa kómek­tesip jatyr. 28 shil­­dedegi máli­metke qaraǵanda, ta­by­­synan aıy­rylǵan, kúndelikti nápaqasyn jo­ǵaltqan 1,8 mln-nan astam qazaq­sta­ndyq 42 500 teńgeden osy qordan birjolǵy kómek aldy. Shekteý sharalaryn engizýge baılanysty tabysynan aıyrylǵan 2,2 mln adamnan Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵa­ıyn­daýǵa suraǵan ótinish túsken edi. Sonyń ishinde tólem 1,9 mln adamǵa taǵaıyndalyp, 1 mln 820 myń adam aqshalaı kómekti aldy.

Qazaqstandyqtardyń birjolǵy tólemdi suraǵan ótinishteriniń 822,1 myńy proaktıvti formatta, 554,3 myńy Egov.kz portaly jáne telegram-bottar, 287,6 myńy
enbek.kz portaly, 569,6 myńy ekinshi deń­geıdegi bankterdiń mobıldik qosym­shalary men ınternet-resýrs­­tary arqyly túsken.

17 shildeden bastap jeke kásip­ker­lerden, jeke praktıkamen aınalysatyn adamdardan, aza­mat­tyq-quqyqtyq sıpattaǵy shart­tar boıynsha tabys alatyn jeke tulǵalardan da ótinimder qabyl­dana bastady. Sonymen qatar jalaqy saqtalmaıtyn de­ma­lys­qa jiberilgen jaldamaly qyz­met­ker­ler úshin ótinimdi ju­mys berýshi ǵana beretinin atap ótý qajet. О́ti­nish qabyldaý 2020 jyl­dyń 1 qyr­kúıegine deıin jal­ǵa­sady.

Jýyrda Eńbek, áleýmettik qorǵaý jáne mıgrasııa komıtetiniń Soltústik Qazaqstan oblystyq depar­tamentiniń basshysy Mereke Muha­medııarov memlekettik áleý­mettik mekemelerde, arnaıy áleý­met­tik kómek kórsetý uıym­darynda epıdemııaǵa qarsy kór­se­tiletin is-sharalar boıynsha aq­pa­rat berdi.

Soltústik Qazaqstan oblysy boıynsha múgedekterdi epıdemııa­dan áleýmettik qorǵaý arnaıy áleý­mettik qyzmet kórsetý sala­syn­­daǵy zańnamalardyń oryndalýyna memlekettik baqylaýdy júzege asyrý oıdaǵydaı júr­gizilý­de. Osy maqsatta múge­dek­terdiń medı­sınalyq-áleýmettik meke­me­l­er­inde jáne osyndaı qyzmet kór­setetin basqa da uıymdarda ar­naıy áleýmettik qyzmetti sapaly, tolyq jáne ýaqytynda alýyna áleýmettik ınfraqurylymdar obek­tileriniń múgedekterge qol­je­tim­diligin qamtamasyz etýdiń ońaltý jumystaryna jáne arnaıy áleýmettik qyzmetti sapaly alýyna qatań baqylaý júrgiziledi.

Elimizde koronavırýstyq ın­fek­­sııanyń tez taralýyna baılanysty, mekeme qyzmetkerleri men qyzmet alýshylardyń qaýipsizdigin qam­tamasyz etý maqsatynda júr­gizilip jatqan jumystar da depar­ta­menttiń turaqty baqylaýyna alynǵan. Búgingi tańda oblystyń medısınalyq-áleýmettik meke­me­­lerinde 1637 adam esepte tura­dy, olardyń ishinde: 141-i bi­rin­shi top múgedegi, 1212-si ekin­shi top múge­de­gi, 44-i múgedek-bala sana­tyn­daǵy qyzmet alýshy­lar jáne 240 qart kisiler. Osy mekemelerde de bir­qatar shekteý sharalary qolǵa alynǵan. Sonyń ishinde epıdemııaǵa qar­sy sanıtarlyq is-sharalar keshe­­nin ótkizý uıymdastyrylyp, kúsheı­­tilgen zararsyzdandyrý men gıgıe­nalyq talaptardy saqtaý tártip­teri engizilgen. Qury­lymdyq bólim­she­ler­de qolǵa arnal­ǵan sanıtarlyq qu­rylǵylar, mekeme qyzmetkerleri úshin antı­sep­tı­ka­lyq quraldarmen sanı­tarlyq aımaqtar tegis jab­dyq­talǵan. Barlyq mekemeler bir ret qolda­ny­latyn betperdelermen, qolǵap­tar­men, antıseptıktermen qamtamasyz etilgen. Osyndaı quraldardyń qo­ry mol. Naqty aıtqanda, 80 601 bet­perde, 64 055 jup qolǵap, 1 666 lıtr antıseptık bar.

Soltústik Qazaqstan oblysy