Qoǵam • 31 Shilde, 2020

Jumysshylardy qoldaýǵa – jarty mlrd teńge

3 ret kórsetildi

«Qazaqaltyn» kompanııasy men onyń enshiles kásipo­ryn­da­­r­y­nyń qyzmetkerleri birjolǵy materıaldyq kómek ala­dy. Konsern basshylyǵy uzaq ýaqytqa sozylǵan COVID-19 pandemııasyna baılanysty shtattaǵy jumys­­shy­­­larǵa 100 myń teńgeden bólý týraly sheshim qabyl­da­dy.

«Qazaqaltyn TMK» AQ koronavırýs pandemııa­sy ke­zin­de bıznestiń áleý­met­tik ja­ýap­kershiligine qa­tys­ty el bas­shylyǵynyń bas­ta­ma­syn qol­dady. Osy qıyn-qys­taý ke­zeńde otan­dyq ká­sip­oryn­dar­dyń jumys­shy­­la­ry­na ma­terıal­dyq qol­daý kór­setý qajet­tiligin Qazaq­stan Res­pýb­lı­ka­synyń Tuńǵysh Prezı­denti – Elbasy Nursultan Nazarbaev pen Mem­leket basshysy Qasym-Jomart Toqaev atap ótken bo­latyn.

Birjolǵy tólem «Qazaq­al­tyn» konserniniń qura­myn­a kiretin kásiporyndardyń 5 412 jumysshysyna tıesi­li. Bul maqsatqa kompa­nııa basshylyǵy shamamen 550 mln teńge bóldi. Qazaq­­stan Respýblıkasynyń zańna­ma­syna sáıkes, mundaı materıaldyq kómekke salyq salynýy tıis, sondyqtan qyz­met­kerler bıýdjetke mindetti tólem­derdi shegerip tastap, aqsha alady. Qarjylaı kó­mek kásiporyndardyń basshylyq quramyna jáne kelisimshart boıynsha jumys isteıtin qyz­met­kerlerge taǵaıyn­dal­maı­dy.

Kompanııanyń bul bastamasy COVID-19 pandemııa­sy kezin­de jumysshylar ujymyn áleýmettik turǵyda qoldaýǵa baǵyt­talǵan is-sharalardyń jalǵa­sy bolyp tabylady. Elde tótenshe jaǵdaı jarııalanǵan kezde «Qazaqaltyn» óz qyzmet­ker­leri men olardyń otbasylaryn, sondaı-aq kompanııanyń óndiristik bazalary bar Aqsý, Bestóbe jáne Jolymbet aýyl­darynyń turǵyndaryn medı­sı­nalyq maskalarmen jáne antı­septıkalyq zattarmen qamta­masyz etti. Bul baǵyttaǵy ju­mys jalǵasady.

 

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar