Qoǵam • 31 Shilde, 2020

2 mln-nan astam adam tólem aldy

6 ret kórsetildi

30 shilde saǵat 9.00-degi jaǵdaı boıynsha bıylǵy shilde aıynda shekteý sharalaryn engizýge baılanysty tabysynan aıyrylǵan jaǵdaıda Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaıyndaýǵa azamattardan 2,3 mln-nan astam biregeı ótinish qabyldandy. 

Tólem 2 mln 80 myń adamǵa taǵaıyn­daldy. Aqshalaı qarajat 2 mln 58 myń qa­zaqstandyqqa aýdaryldy. MÁSQ-tan tólem alýǵa ótinimder birneshe arna arqyly qabyldanady. 2,3 mln-nan astam ótinimniń ishinde: 833,3 myń adam proaktıvti formatta tólem taǵaıyndaýǵa kelisim berdi; 578,9 myń adam Egov.kz portaly jáne telegram-bottar; 314,6 myń adam 42500.enbek.kz portaly; 595,8 myń adam ekinshi deńgeıdegi bankterdiń mobıldik qosymshalary men ınternet-resýrstary arqyly ótinish bergen.

Azamattardyń sanattary bólinisinde 833,3 myń ótinish biryńǵaı jıyntyq tólem tóleýshilerden berilse (proaktıvti formatta), 186,5 myń ótinishti jaldamaly qyzmetkerleri úshin jumys berýshiler berdi, al 1 mln 302,8 myń ótinish azamattardyń basqa sanattarynan kelip tústi (jeke kásipkerler; jeke praktıkamen aınalysatyn adamdar; azamattyq-quqyqtyq sıpattaǵy sharttar boıynsha tabys alatyn jeke tulǵalar). Tólem 2 mln 80 myń adamǵa taǵaıyndaldy. Aqshalaı qarajat 2 mln 58 myń qazaqstandyqqa aýdaryldy.

Esterińizge sala keteıik, Memleket basshysynyń tapsyrmasy boıynsha 2020 jyldyń shilde aıynda karantındik shara­lardyń engizilýine baılanysty jumys istep jatqan qazaqstandyqtarǵa tabysy tolyq joǵalǵan jaǵdaıda eń tómengi jalaqy – 42 500 teńge mólsherinde birjolǵy tólem júzege asyrylatyn bolady.

О́tinish qabyldaý 2020 jyldyń 1 qyr­kúıegine deıin jalǵasady.

Sońǵy jańalyqtar

Uqsas jańalyqtar