Qoǵam • 31 Shilde, 2020

Ońaltý qyzmeti aqysyz kórsetiledi

1 ret kórsetildi

«Adal Nıet Astana» qorynda kún saıyn 100 adam aqysyz ońaltý qyzmetin alýda. Qor qyzmetiniń negizgi baǵyty – azamattarǵa qaıyrymdylyq tanytyp, densaýlyǵynyń berik bolýyna kómektesý.

Elorda ákimdiginiń máli­metine súıensek, «Adal Nıet As­tana» jeke qaıyrymdylyq qo­rynda 140 adam kúndelikti ońaltý qyzmetin alady. Bul – bes mezgil tamaq, fızıoterapııa, massaj, dári-dármek, tuzdy shahta, ottegi kokteılderi, ıoga, drenaj jumystary jáne taǵy basqalarmen qamtamasyz etetin, táýlik boıy jumys isteıtin stasıonar.

«Kúnine 140 naýqasqa qyzmet kórsetemiz. Onyń ishinde 100 adam qaıyrymdylyq, 40 adam – ońaltý men em alýǵa kel­gen qala, respýblıka turǵyndary. Pandemııa kezinde bir-birimizdi qoldaýymyz kerek. Naýqastar úlken rıza­shy­lyq­taryn bil­dirýde. Qaıta em alý­ǵa jıi keledi. Biz olar­men ynty­maq­tastyqty jalǵas­ty­rýda­myz», deıdi qor jetekshisi Bıbisara Beısenbaeva.

Barlyq emdik shara qatań gıgıe­namen júrgiziledi. Naýqas­tarǵa tájirıbeli mamandar qyz­met kórsetedi. Atalǵan qa­ıy­rymdylyq qorynyń taǵy bir ereksheligi – munda naýqastar men qarttar áleýmettik jáne me­dısınalyq kómek alýmen qatar, óz múmkindikterin iske asyryp, aq­sha tabady.

«Biz kelýshilerdi ara­ qa­shyq­tyqqa nazar aýdaryp, maska taǵý tártibi men jeke gıgıenany saqtaýǵa, óz densaýlyǵyna mán berýge shaqyramyz. Úıdegi ka­ran­tın jaǵdaıynda da dene, ty­nys alý jattyǵýlaryn ja­saýǵa bolady. Sol arqyly siz ım­mýndyq júıeni nyǵaıtyp, ja­ǵymdy emosııalar alasyz, ózińizge jáne jaqyndaryńyzǵa qamqorlyq jasaısyz», deıdi reabılıtolog-dáriger Altynaı Satmaǵanbetova.

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar