Rýhanııat • 31 Shilde, 2020

Bas múftı Qurban aıtpen quttyqtady

32 ret kórsetildi

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly barsha musylman qaýymdy Qurban aıt merekesimen quttyqtady, dep habarlaıdy Egemen.kz

Asa Qamqor, erekshe Meıirimdi Allanyń atymen bastaımyn!

 

Qadirli qaýym!

Barshańyzdy kúlli ısi musylman balasy asyǵa kútetin ulyq meıram – Qurban aıtpen shyn júrekten quttyqtaımyn! Aıttaryńyz qabyl bolsyn! Sizderge Alladan amandyq, myqty saýlyq, mol yrys pen baq-bereke tileımin!

Qurban aıt – asyl dinimiz Islamdaǵy eki ulyq merekeniń biri. Aıtýly kúnde musylman qaýymy Qudaı jolynda qurban shalyp, qanaǵat pen qaıyrymdylyqtyń, meıirimdilik pen izgiliktiń rııasyz úlgisin kórsetip, kómekke muqtaj jandardyń bata-tilegin alyp, alǵysyna bólenedi.

Baǵzy zamannan beri Islam dinin rýhanı tiregine aınaldyrǵan halqymyz Qurban aıtty aıryqsha daıyndyqpen qarsy alady. Ulyq meıramda erekshe yjdahat hám yqylaspen oryndalatyn qulshylyqtar men izgi is-sharalar urpaqtan-urpaqqa jalǵasyp, ıgi dástúrge aınaldy.

"Qurban" sózi "jaqyn bolý", "jaqyndaý" degen uǵymdy bildiredi. Bul – shynaıy nıet pen Allaǵa degen súıispenshilikti pash etetin meıram. Ulyq merekeniń tárbıelik máni men maǵynasy osynda jatyr. Qasıetti Quranda: "Umytpańdar, olardyń eti de, qany da eshqashan Allaǵa jetpeıdi. Oǵan jetetin nárse – júrekterińizge uıalaǵan taqýalyqtaryń (shynaıy nıetteriń)" ("Haj" súresi, 37-aıat), – delingen. Aıatta aıtylǵandaı, Qudaı jolynda jaqsylyq jasaýǵa nıettengen pende bul amaldy rııasyz oımen oryndaıdy.

Materıaldyq múmkindigi bar, əri jolaýshy emes musylmanǵa qurbandyq shalý – ýəjip, musylmandyq mindet. Al shamasy kelmegen adamǵa Alla Taǵala mundaı mindet júktemegen. Aıt kúnderi az da bolsa sadaqa berip, qaraýsyz qalǵan qarttarǵa, jetimder men kópbalaly otbasylarǵa kóńil bólý – saýapty is.

 

Qurmetti otandastar!

О́kinishke qaraı, álemdegi jáne eldegi jaǵdaıǵa baılanysty Qurban aıtty óz dárejesinde atap ótip, jamaǵatpen qulshylyq jasaı almaımyz. Allanyń amanaty bolǵan ómirimiz ben densaýlyǵymyzdy saqtaý – musylmandyq mindetimiz. Alaıda saýap izdegen adam úshin jaqsylyqtyń esikteri qashan da ashyq. Biz osy rette qurban shalý sharalaryn qashyqtyqtan júzege asyrýdy qolǵa aldyq.

Qurban aıttyń tarıhyna tereń boılasaq, Alla Taǵala Ibrahım paıǵambarǵa (oǵan Allanyń sálemi bolsyn) synaq jibergennen keıin ony súıinshi habarmen qýantqan. Bul týraly Quranda baıandalǵan: "...Bul naǵyz ashyq synaq edi. Biz onyń ornyna úlken qurbandyq (Ujymaq qoshqaryn) aýystyrdyq. Biz oǵan sońǵylar ishinde "Ibrahımge sálem!" degen alǵys qaldyrdyq. Biz jaqsylardy osylaı syılaımyz. О́ıtkeni, ol ımandy pendelerimizden edi" ("Saffat" súresi, 106-111-aıattar).

Asa Meıirimdi, erekshe Keńshilik Iesi Rabbymyz osy synaqty tezirek jaqsylyqqa almastyrǵaı. Shalǵan qurbandyq, bergen sadaqa, jasaǵan árbir ıgi amaldyń saýaby eselenip jazylǵaı.

Alla Taǵala jer betin juqpaly dertten tazartyp, jaqsylyǵy men bereketin jaýdyrǵaı. Qaýipti indetten qaıtys bolǵandardy meıirimine bólep, naýqas jandarǵa shıpasyn bergeı. Elimiz aman, jurtymyz tynysh bolǵaı.

Meshitterimiz ashylyp, jamaǵatpen qulshylyq jasaıtyn kúndi jaqyn etip, qalypty ómir tirshiligine qaıta oralýdy jazǵaı! Ámın!

Sońǵy jańalyqtar

Dárini qymbatqa satqandar ustaldy

Aımaqtar • Búgin, 19:20

Atyraý oblysyna 110 jas muǵalim keledi

Aımaqtar • Búgin, 18:25

QHL: Vıza bermeı jatyr

Hokkeı • Búgin, 15:18

Tennıs: Qos jerlesterimiz de jeńildi

Tennıs • Búgin, 14:51

COVID-19 adamnan ıtke juqqan

Koronavırýs • Búgin, 14:15

Rýdnyı turǵyny esirtkimen ustaldy

Aımaqtar • Búgin, 13:32

Qıyn kezeń artta qaldy - mınıstr

Qazaqstan • Búgin, 11:14

Uqsas jańalyqtar