Sport • 31 Shilde, 2020

Atyraýda 216 myń adam sportpen turaqty shuǵyldanady

57 ret kórsetildi

Bul týraly oblystyq dene shynyqtyrý jáne sport basqarmasynyń basshysy Rınat Ibragımov málim etti, dep habarlaıdy Egemen.kz

Bıylǵy alty aıda  dene tárbıesimen, sportpen turaqty túrde shuǵyldanatyn atyraýlyqtardyń   sany 509-ǵa kóbeıip, 216 000 adamǵa jetti.

"Qazirgi jaǵdaıǵa baılanysty kóptegen sporttyq sharalar keıinge shegerildi. Soǵan qaramastan, bizdiń sportshylarymyz salaýatty ómir saltyn nasıhattap keledi.  Olar Tótenshe jaǵdaı kezinde "Úıde bol" chellendjin qoldap, óz úıinde jasaǵan jattyǵý jumystarymen bólisýdi qolǵa aldy. Jattyqtyrýshylar sportshylardyń úı jaǵdaıynda jattyǵýyna arnaıy baǵdarlama jasap, jańa onlaın rejımde jumys jasaýda. Odan bólek, 50-den astam sportshy tikeleı efırge shyǵyp, onlaın sabaqtar júrgizdi", deıdi  Rınat Ibragımov.

Onyń málimetine qaraǵanda, bıyl  Qyzylqoǵa aýdany men Atyraý qalasynda fýtbol alańy ashyldy. Al, oblys ortalyǵyndaǵy  Nursaıa yqsham aýdanynda jeke ıeliktegi "Tonykók" kóp fýnsıonaldy sport kesheni sportshylardy qabyldaı bastady. Bıyl qoldanystaǵy  1 107 sporttyq nysannyń qataryna taǵy da beseýi qosylypty.

 

Sońǵy jańalyqtar

Tashkent tragedııasy

Sport • Keshe

Uqsas jańalyqtar