Aımaqtar • 31 Shilde, 2020

Elordada sanıtarlyq talaptardyń saqtalýy boıynsha reıdter jalǵasýda

12 ret kórsetildi

Polısııa qyzmetkerleri, epıdemıologtar, eriktiler men jergilikti atqarýshy organdar ókilderinen quralǵan mobıldi toptary karantın tártibin buzýshylyqtardy anyqtaý jumystaryn jalǵastyrýda, dep habarlaıdy Nur-Sultan ákimdiginiń resmı saıty.

Jalpy, 5 shildeden bastap Nur-Sultan qalasynda 570 buzýshylyq tirkeldi. Onyń 224-i maska taǵý, áleýmettik qashyqtyq saqtaýdyń mindetti talabyn, 346-y tyıym salynǵan ýaqytta qyzmetin júzege asyrǵan kásipkerlik sýbektileriniń karantın tártibin buzýymen baılanysty. Buzýshylyqtar boıynsha materıaldar taýarlar men kórsetiletin qyzmetterdiń sapasy men qaýipsizdigin baqylaý departamentine berildi. Reıd kezinde polısııa oıyn-saýyq mekemelerin, qoǵamdyq tamaqtaný oryndaryn, saýnalar men monshalardy tekserip, ıelerine qazirgi karantın sharalary týraly eskertedi.

"29 shilde, túngi saǵat 1-de aýmaqty tekserý barysynda Momyshuly kóshesindegi bardyń bas sanıtarlyq dárigermen bekitilgen erejelerdi buza otyryp jumys jasaǵan anyqtaldy. Bar kelýshilerge alkogoldik ishimdikterdi ózimen birge alyp ketý boıynsha qyzmet kórsetken. Sol kúni mobıldi top Qabanbaı batyr kóshesiniń boıyndaǵy kofehananyń túngi ýaqytta jumys jasaǵanyn anyqtady. Onda kelýshilerge kalıan usynylǵan. Kelýshilerge QRÁQBtK-tiń 441-baby boıynsha jeti ákimshilik hattama jasaldy. Al mekeme ákimshisine qatysty jınalǵan materıaldar ákimshilik is qozǵaý úshin taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi. Sonymen qatar Bókeıhan kóshesindegi kompıýter klýbynyń 29 jastaǵy ıesi 30-dan astam kelýshini qabyldaǵan. Vırtýaldy oıynshylar qashyqtyq saqtamaı, sanıtarlyq-epıdemıologııalyq normalardy buzǵan", - dedi Nur-Sultan qalalyq polısııa departamentinde.

Karantın tártibin buzýshylarǵa 30-dan 230 aılyq eseptik kórsetkishke deıin aıyppul salynýy múmkin. Nur-Sultan polısııa departamenti azamattarǵa karantın tártibin buzǵany úshin jaýapkershilik qarastyrylǵanyn eskertip, sanıtarııa normalaryn saqtaýǵa shaqyrady. Aıta keteıik, polısııa qyzmetkerleri men eriktiler de karantın tártibiniń saqtalýyn pysyqtady. Reıdtik sharalar "Shapaǵat" kommýnaldyq bazarynyń mańynda jáne "Aqjaıyq" saıabaǵynda ótti. Turǵyndar men bıznes ókilderine mindetti túrde maska taǵý, sonymen qatar áleýmettik qashyqtyq saqtaý týraly eskertildi.

Sońǵy jańalyqtar

Uqsas jańalyqtar