Elorda • 31 Shilde, 2020

Elordalyq eriktiler muqtaj jandarǵa qurbandyq etin taratýda

25 ret kórsetildi

Qurban shalý rásimi tek onlaın uıymdastyrylady. Qurban shalý úshin "Qurban2020.kz" saıty iske qosyldy. Dástúrli qurban shalý oryndary jabyq bolady. Bul týraly elorda ákimdiginiń resmı saıty habarlaıdy, dep jazady Egemen.kz

Qurbandyq eti áleýmettik kómekke muqtaj otbasylarǵa bólinedi. Qazirgi ýaqytta elorda meshitine az qamtylǵan otbasylardan 4 myńnan astam ótinish kelip túsken. Áleýmettik kómekti taratýǵa 500-ge jýyq elordalyq erikti men 200 avtovolonter kómektesip, óz kólikterimen muqtaj adamdardyń úıine deıin jetkizedi.

Aıta ketý kerek, eriktiler etti bólýden bastap, jetkizýge deıin basy-qasynda júredi. Qoǵamdyq qaýipsizdikti, adamdardyń kóp jınalmaýyn qamtamasyz etý maqsatynda qala aýmaǵynda ornalasqan dástúrli qurban shalý oryndary (bazarlar, sharýa qojalyqtary) jabyq bolady. Qashyqtan qurban shalýdy uıymdastyrý maqsatynda Qurban2020.kz saıty iske qosyldy. Atalǵan saıtta kez kelgen azamat onlaın túrde qurban shalýǵa tapsyrys bere alady.

Qurbandyqqa soıylǵan et túgeldeı áleýmettik kómekke muqtaj otbasylarǵa úlestiriledi. "Qurban2020.kz" saıtynda muqtaj jandarǵa arnaıy "Qurbandyq etin alý úshin ótinish qaldyrý" fýnsııasy da iske qosyldy. Tıisti qujattardy júkteý arqyly muqtaj otbasylar áleýmettik kómek alý úshin onlaın ótinish joldaı alady. Sonymen qatar elorda aýmaǵyna satý maqsatynda iri qara mal men qoı kirgizý shekteledi. Din isteri basqarmasy turǵyndardy sanıtarlyq-epıdemııalyq qaýipsizdik erejelerin saqtaýǵa shaqyrady. Bıyl Qurban aıt merekesi 31 shilde men 2 tamyz aralyǵynda ótedi.

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar