31 shilde saǵat 10.00-degi jaǵdaı boıynsha DSM-nen COVID-19 nemese vırýstyq pnevmonııany juqtyrǵan jaǵdaıda medısına qyzmetkerlerine tólem jasaýǵa 123 ótinim kelip tústi. О́ńirler bólinisinde ótinimderdiń eń kóp sany Almaty qalasynan (46), Almaty (38) jáne Soltústik Qazaqstan (10) oblystarynan kelip tústi. Barlyq kelip túsken ótinimder boıynsha MÁSQ-dan 2 mln teńge mólsherinde birjolǵy tólem júzege asyryldy.
Medısına qyzmetkeriniń koronavırýstyq ınfeksııadan, vırýstyq pnevmonııadan qaıtys bolý jaǵdaılary boıynsha MÁSQ-qa ótinimder túsken joq.
Budan buryn habarlanǵandaı, joǵaryda kórsetilgen tólemaqyny alýǵa quqyǵy bar medısına qyzmetkerlerin oblystardyń jáne respýblıkalyq mańyzy bar qalalardyń densaýlyq saqtaý basqarmalaryndaǵy arnaıy komıssııalar aýrý juqtyrýyn tekserý nátıjeleri boıynsha anyqtaıdy. Barlyq ótinimderdi Qazaqstan Respýblıkasy Densaýlyq saqtaý mınıstrligi jınaqtaıdy.
Esterińizge sala keteıik, QR Eńbek jáne halyqty áleýmettik qorǵaý mınıstri men QR Densaýlyq saqtaý mınıstriniń 9 sáýirdegi "Densaýlyq saqtaý uıymdarynyń COVID-19 koronavırýstyq ınfeksııasyna qarsy kúres jónindegi epıdemııaǵa qarsy is-sharalarǵa tartylǵan qyzmetkerleri atalǵan ınfeksııany juqtyrǵan nemese odan qaıtys bolǵan jaǵdaıda olarǵa birjolǵy áleýmettik tólemdi júzege asyrý qaǵıdalaryn bekitý týraly" birlesken buıryǵyna aǵymdaǵy jyldyń 22 shildesinde engizilgen ózgeristerge sáıkes joǵaryda kórsetilgen tólem:
– koronavırýstyq ınfeksııa nemese vırýstyq pnevmonııa juqtyrǵan medısına qyzmetkerlerine – 2 mln. teńge;
– COVID-19 koronavırýstyq ınfeksııasyn juqtyrǵannan, vırýstyq pnevmonııamen aýyryp qaıtys bolǵan jaǵdaıda olardyń otbasyna – 10 mln. teńge kóleminde tólenedi.
