"Almaty qalasynyń Bas memlekettik sanıtarlyq dárigeriniń qaýlysy negizinde halyq arasynda koronavırýstyq ınfeksııanyń taralýyn aldyn alý maqsatynda Aqsaı shatqaly, Alma-Arasan, Býtakovka, Aq-Qaıyń, Prosveshenes jáne Kım-Asar mereke jáne demalys kúnderi (31 shilde men 2 tamyz) týrıster úshin jabyq ekenin habarlaımyz", dep habarlady ulttyq parktiń ákimshiligi.
Atalǵan demalys oryndarynyń Talǵar jáne Túrgendegi fılıaldary barlyq sanıtarlyq-gıgıenalyq normalardy saqtaý qajettigin jáne jaıaý júrginshilerge ǵana ashyq ekenin eskertedi.
Sondaı-aq park aýmaǵyna jeke qorǵanys quraldary (betperde, antıseptık) bolmaǵan jaǵdaıda, park aýmaǵyna jiberilmeıdi. Bir otbasy múshelerin qospaǵanda, park ishinde 3 adamnan aspaıtyn toppen ǵana júrýge ruqsat etiledi. Ot jaǵýǵa, mangaldardy paıdalanýǵa, pıknıkter uıymdastyrýǵa tyıym salynady.
"Sizden joǵaryda atalǵan barlyq talaptarǵa túsinistikpen qaraýdy jáne SOVID-19 aldyn alý boıynsha barlyq sanıtarlyq-epıdemııalyq erejelerdi saqtaýdy suraımyz", dep tolyqtyrdy Ulttyq park.
