Aımaqtar • 31 Shilde, 2020

Ekologııa mınıstri: Atyraýdaǵy ekologııalyq problemalardy sheshý kún tártibinde tur

27 ret kórsetildi

Atyraý qalasynyń turǵyndary qalanyń ekologııalyq problemalaryn sheshý josparyn jasaýǵa qatysady. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev málimdedi. Bul týraly Ekologııa mınıstrliginiń baspasóz qyzmetine silteme jasaı otyryp Egemen.kz habarlaıdy.

"Sońǵy birneshe jylda Atyraý aýanyń lastanýy boıynsha "kóshbasshylardyń" qatarynda. 2020 jyly 100-ge jýyq zııandy zattardyń ruqsat etilgen konsentrasııasynan asyp ketý jaǵdaıy tirkeldi. Turǵyndardyń áleýmettik jelide óńirdiń qynjynarlyq ekologııalyq jaǵdaıyna shaǵymdanýy túsinikti", dep jazdy M.Myrzaǵalıev beısenbide.

О́tken keshte óńirdegi eko-belsendilermen, ákimdiktermen jáne qala kásiporyndarymen onlaın-kezdesý ótkizilip, onyń barysynda negizgi problemalyq máseleler men olardy sheshý joldary anyqtaldy.

"Atyraý MО́Z basshylyǵynan zaýyttyń shyǵaryndylary týraly málimetterdi jarııalaý jumysyn tezdetýdi suradym. Bul aqparat halyqqa ashyq bolýy kerek. Sondaı-aq, qala basshylyǵynyń nazaryn aýanyń jaı-kúıin LED-ekrandarǵa shyǵarý qajettigine aýdardym", dep atap ótti mınıstr.

Sóz sońynda Ekologııa mınıstrliginiń basshysy kezdesýden keıin qoǵam belsendilerimen Atyraýdaǵy ekologııalyq problemalardy sheshýdiń josparyn jáne jol kartasyn jasaýǵa keliskenin tilge tıek etti. Taıaý ýaqytta karta qabyldanyp, ákimdik ony júzege asyrýdy bastaıdy. Qoǵammen birge óńirdegi barlyq ekologııalyq problemalardy birtindep sheshetinine sendirdi.

"Barlyǵyńyzǵa qatysqandaryńyz jáne belsendi kózqarastaryńyz úshin rahmet", dep jazdy M.Myrzaǵalıev.

Sońǵy jańalyqtar

Uqsas jańalyqtar