№3 qalalyq kópsalaly aýrýhananyń terapevti Dáýren Moldajanovtyń aıtýynsha, 1 shildeden bastap osy aýrýhanada COVID-19 aýrýy bar, onyń ishinde aýyrlyq dárejesi ortasha jáne aýyr myńǵa jýyq naýqas emdeldi.
"Bul stasıonar óz mindetin tolyqtaı oryndady. Nur-Sultan ákimdigi ottegi konsentratorlaryn jetkizdi. Naýqastardy kútý úshin barlyq medısınalyq jabdyqtar men dári-dármekter boldy. Bul bizge joǵary sapaly medısınalyq kómek kórsetýge múmkindik berdi", – deıdi D.Moldajanov.
Zeınetker Bıbijan Qapparova, kóptegen adamdar sııaqty, aýrýdyń alǵashqy belgileri baıqalǵanda óz betinshe emdelgen. Biraq kóp uzamaı syrqatty medısınalyq kómeksiz jeńe almaıtynyn túsingen.
"Men segiz kún boıy úıde emdeldim. Sodan keıin ǵana jedel járdem shaqyrýǵa sheshim qabyldadym. Meni osy aýrýhanaǵa alyp kelip, on kún emdedi. Dárigerlerime, barlyq medısına qyzmetkerlerine alǵysym shaksiz. О́zderine tóngen qaterge qaramastan basqalardyń ómirin saqtap qalǵandaryńyz úshin rahmet! Bizde osyndaı jaýapkershilikti, adam janyna arasha bolar jas mamandardyń baryna qýanyshtymyn!" – deıdi Bıbijan apa.
Jalpy, qalada COVID-19-ǵa qarsy kúreske 16 stasıonar jumyldyrylǵan. Esterińizge sala keteıik, 27 shildede Psıhıkalyq densaýlyq ortalyǵynyń klınıkasynan COVID-19 bar sońǵy naýqas shyǵaryldy. Bir jarym aıdyń ishinde munda 1044 naýqas emdeldi. Shilde aıynyń basynan bastap Nur-Sultan stasıonarlarynda pnevmonııamen aýyratyndar sany 5 ese azaıdy. Qabyldanǵan karantın sharalary men qala emhanalarynda ambýlatorııalyq emdeýdi kúsheıtý nátıjesinde jedel járdem stansııasyna qońyraýlar sany 3 ese – kúnine 3 myńnan myńǵa deıin, tósek-oryn qorynyń júktemesi 99%-dan 30%-ǵa azaıdy.
