Aımaqtar • 01 Tamyz, 2020

Qurban aıtta elordalyq medısına qyzmetkerlerine ystyq tamaq taratyldy

9 ret kórsetildi

Aksııa aıasynda 31 shilde men 2 tamyz aralyǵynda medısına qyzmetkerlerine barlyq sanıtarııa normalary men erejelerdi saqtaı otyryp, 8100 ystyq tamaq taratý josparlanǵan, dep habarlaıdy elorda ákimdiginiń resmı saıty.

Tegin tamaqpen kún saıyn 2700-den astam qyzmetker jumys jasaıtyn 12 stasıonar qamtylady. Is-shara kezinde qatysýshylar men eriktiler qajetti qorǵanys quraldarymen (maska, qolǵap, antıseptıkter) qamtamasyz etilip, qashyqtyq pen karantın tártibin saqtaý týraly nusqaýlarmen tanysady.

"Qurban aıt merekesine oraı biz, Nur-Sultan qalasynyń eriktileri aq halatty abzal jandarǵa ystyq tamaq taratýdamyz. Aksııa 31 shildeden bastap 2 tamyzǵa deıin jalǵasady. Aksııa aıasynda Nur-Sultan qalasynyń 12 stasıonaryna ystyq tamaq taratylatyn bolady", – dedi Nur-Sultan qalasynyń "Astana jastary" KMM mamany, volonter Baqtııar Esentaev. Tamaqtyń sapasyn mamandar qadaǵalaýda.

"Búgin Qurban aıt merekesi qarsańynda medısına qyzmetkerlerine tegin tamaq uıymdastyrylyp jatyr. Osyǵan oraı basqarma Ulttyq saraptama ortalyǵymen birge tamaqtyń sapasyna zertteý júrgizdi. Barlyǵy sanıtarııa normalaryna saı keledi. Sondaı-aq aldyn ala kelip sanıtarııa normalarynyń saqtalýyna tekseris júrgizildi", – dedi qalalyq taýarlar men kórsetilgen qyzmetterdiń sapasy men qaýipsizdigin baqylaý basqarmasynyń bólim basshysy Damıra Nuran.

Nur-Sultan qalasynyń №3 kópbeıindi qalalyq balalar aýrýhanasynyń qabyldaý-dıagnostıka bóliminiń dárigeri Aıdana Kýrak áriptesteriniń atynan eriktilerge alǵys bildirdi.

"Qurban aıt qarsańynda bizdi elep-eskerip, kelip quttyqtap jatqanyna kóp rahmet. Osy qıyn kezeńnen aman ótip, qalypty ómirge tezirek oralýdy tileımin", – dedi A.Kýrak.

Aýqymdy aksııaǵa "Nur-Astana" meshiti, qalalyq din isteri basqarmasy, "Nur Otan" partııasy "Jas Otan" JQ respýblıkalyq shtaby, "Gaýhartas" meıramhanasy, Qazaqstan halqy Assambleıasy, eriktiler uıymdary, Saryarqa aýdany ákimdigi, "Al Barakat" kompanııasy jáne ıgi isterden shette qalmaıtyn meıirimdi adamdar qoldaý kórsetti.

Sońǵy jańalyqtar

Memlekettik BAQ portaly iske qosyldy

Qazaqstan • Búgin, 15:08

Uqsas jańalyqtar