Aımaqtar • 01 Tamyz, 2020

Nur-Sultanda avtobýstar 3 tamyzdan bastap júre bastaıdy

32 ret kórsetildi

Avtobýstar saǵat 06:00-den 21:00-ge deıin júredi, dep habarlaıdy ákimdiktiń resmı saıty.

Elordada qoǵamdyq kólik 3 tamyzdan bastap júre bastaıdy. Bul týraly Nur-Sultan qalasynyń ákimi Altaı Kólginov óz ınstagram paraqshasynda habarlady.

“Karantın kezeńindegi qoǵamdyq kólik jumysynyń daıyndyq barysymen tanystym. Jumys berýshiler men qala turǵyndarynyń ótinishine sáıkes 3 tamyzdan bastap avtobýstardyń qozǵalysy qaıta jandanady. Jolǵa tek qalanyń ishinde júretin baǵyttar shyǵady. Al qalanyń shetkeri aımaqtaryna qatynaıtyn marshrýttar ázirge shyqpaıdy.

Avtobýstar saǵat 6:00-den 21:00-ge deıin júredi. Maskasyz qoǵamdyq kólikke kirýge tyıym salynady. Kóliktik baqylaý departamentiniń qyzmetkerleri kúndelikti reıdter ótkizip, júrgizýshilerdiń de, jolaýshylardyń da maska rejımin saqtaýyn tekseredi. Júrgizýshilerge jolaýshylardy salonǵa maskasyz jiberýge qatań tyıym salynady. Avtobýsqa tek aldyńǵy esik arqyly kirý qajet. Jol júrý aqysy qolma-qol aqshasyz esep aıyrysý arqyly júrgiziledi. Pandemııa kezinde bizdiń júrgizýshiler medısına qyzmetkerlerin, áleýmettik qyzmetkerlerdi jumysqa tasymaldady. Júrgizýshiler koronavırýspen kúresýge aıtarlyqtaı úles qosyp jatyr. Búgin olardy kele jatqan kólik qyzmetkerleri kúnimen quttyqtadym. Olardyń eńbeginiń arqasynda qala turǵyndarynyń júrip-turýy úshin qolaıly jaǵdaı jasalyp jatyr.

Avtoparkti jaqsartýǵa erekshe nazar aýdaramyz: 100 elektroavtobýs satyp alyndy, qala turǵyndarynyń ótinishterin eskere otyryp, jańa baǵyttar ashyldy”,-deıdi elorda ákimi Altaı Kólginov.

Sońǵy jańalyqtar

Uqsas jańalyqtar