Aımaqtar • 01 Tamyz, 2020

Adasqan bala úıin tapty

74 ret kórsetildi

Soltústik Qazaqstan oblysynyń Qyzyljar aýdanyndaǵy Toqýshy aýylynda turatyn bes jasar búldirshin dalada oınap júrip, balalarmen birge orman jaqqa barady. Odan ári top baladan kóz jazyp qalǵan bala adasyp, jylap, dala kezip ketedi, - dep jazady Egemen.kz

Ony traktorymen jumystan qaıtyp kele jatqan kórshiles Znamenskoe aýylynyń turǵyny Andreı Mohov kórip, aıdalada keshki mezgilde jalǵyz júrgen búldirshindi traktoryna otyrǵyzyp alady. Qorqyp qalǵan bala oǵan eshteńe aıta almaı, tek óziniń esimin qaıtalaı beredi. Mehanızator ony óziniń úıine ákelip, ýchaskelik ınspektorǵa telefon arqyly habarlaıdy.

Bul ýaqytta balanyń sheshesi sharq uryp, balany óz aýylynan izdep júrgen eken. Polısııa kapıtany Serik Joltanov joǵalǵan bala týraly aqparatty kórshi aýyldarǵa habarlaıdy. Bul habardy estigen sheshesi de tezirek jetip, polısııa bóliminde nan jep otyrǵan bóbegimen qaýyshady. "Áıteýir balanyń aman tabylǵanyna bárimiz de qýandyq. Ol óz aýylynan 10 shaqyrymǵa jýyq jerge ketip qalypty. Ony taýyp alyp, polısııaǵa tapsyrǵan mehanızator Mohovqa da alǵys aıtyldy. Osy is boıynsha profılaktıkalyq sharalar júrgizilip, ata-analarǵa balalaryn baqylaý kerektigi eskertildi", deıdi Qyzyljar aýdandyq PB bastyǵynyń mindetin atqarýshy, maıor Jánibek Muhamadıev.

 

Soltústik Qazaqstan oblysy

 

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar