Aımaqtar • 02 Tamyz, 2020

Almatyda karantın tártibin buzǵan 1400-ge jýyq adamǵa aıyppul salyndy

10 ret kórsetildi

Almatyda karantın normalaryn buzǵany úshin 1400-ge jýyq adamǵa aıyppul salyndy, dep habarlaıdy Polisia.kz.

Buryn habarlanǵandaı, azamattardyń sanıtarlyq-epıdemıologııalyq salaýattylyǵy salasyndaǵy zańnama talaptarynyń, sondaı-aq gıgıena standarttarynyń saqtalýyn baqylaý maqsatynda Almaty qalasynda Ákimdik, SES jáne polısııa qyzmetkerleri arasynan arnaıy monıtorıngtik toptar quryldy jáne 5 shildeden bastap QR ÁQbK-niń 425-babyna sáıkes 1358 adamdy ákimshilik jaýapkershilikke tartty, olardyń 120-sy ótken kúni anyqtaldy.

"Azamattardyń kóp keletin oryndary, qyzmet kórsetý obektileri, tamaqtaný jáne t.b.jerler únemi tekserilip otyrady. Sonymen qatar, sanıtarlyq dárigerdiń talaptaryna sáıkes kelmeıtin massaj, sulýlyq salondary, barlar, meıramhanalardy anyqtaý boıynsha jedel bólimsheler jumys isteıdi. Arnaıy reıdtik sharalar barlyq jerde jáne turaqty negizde júrgiziledi", - dedi Almaty polısııasynda.

Tártip saqshylary kezekti ret turǵyndardy karantın sharalaryn qatań saqtaýǵa, betperde kıip, áleýmettik qashyqtyqty saqtaýǵa shaqyrady.

Sońǵy jańalyqtar

Uqsas jańalyqtar