Aımaqtar • 02 Tamyz, 2020

Nur-Sultanda 32,5 mln sharshy metrden astam aýmaq dezınfeksııalandy

14 ret kórsetildi

Nur-Sultanda adam kóp jınalatyn jerlerde - saıabaqtarda, tynymbaqtarda, jaǵalaýlarda dezınfeksııa jumystary júrgizildi. Dezınfeksııa jumystary jaıaý da, arnaıy mashınalardyń kómegimen de júrgizilede. Barlyǵy 32 mln 720 myń sharshy metr zalalsyzdandyryldy.

Sonymen qatar, saıabaqtarda, alańdarda, býlvarlar men basqa da qoǵamdyq oryndarda koronavırýsqa baılanysty qala turǵyndarynyń áleýmettik qashyqtyqty saqtaýy úshin belgiler qoıylǵan. Sondaı-aq, maska taǵý qajettiligi týraly aqparattyq stendter ornatyldy.

"Biz adam kóp baratyn jerlerdi óńdedik. Bul oryndyqtar, kóshe trenajerleri, oıyn alańdary, adamdar qol tıgize alatyn barlyq oryndar. Vırýs eshqaıda ketpegenin túsiný kerek. Barlyq sanıtarııa normalaryn qatań saqtaý kerek. Bul bir mezgilde jappaı ınfeksııanyń aldyn alýǵa múmkindik beredi", - dep atap ótti dezınfektorlar.

Bas dárigerdiń qaýlysyna sáıkes saýda oıyn saýyq ortalyqtarynyń, bazarlardyń basshylary óz aýmaǵynda dezınfeksııa júrgizýi tıis. Qala turǵyndary sanıtarııa normalaryn qatań saqtaý kerek: maska taǵyp, antıseptıkterdi qoldanyp, áleýmettik qashyqtyqty saqtaý mańyzdy.

Sońǵy jańalyqtar

Uqsas jańalyqtar