Aımaqtar • 02 Tamyz, 2020

Úsh kúndik shara 22 páter urlyǵyn ashty

46 ret kórsetildi

Soltústik Qazaqstan oblysynyń polıseıleri "Páter" respýblıkalyq jedel-profılatıkalyq is-sharasyn óńir boıynsha qorytyndylaǵanda osyndaı nátıjege qol jetkizilgeni aıtyldy, - dep jazady Egemen.kz

Osynaý jedel-profılaktıkalyq is-sharasyn ótkizýge krımınaldyq polısııa ǵana emes basqa da bólinisterdiń qyzmetkerleri tartylyp, barlyq baǵyttar boıynsha páter urlyǵyn ashý jáne onyń jolyn kesý boıynsha jumystar júrgizilgen. Mundaıda izshilder aldymen buryn sottalǵandardy nazarǵa alady. Sonyń ishinde 20 maýsym kúni Qyzyljar aýdandyq sotynyń qaýlysymen sottalǵan Beskól aýylynyń 1992 jylǵy turǵynyna izdeý jarııalanǵan. О́ıtkeni ol aqpan aıynda bir úıdi tonap, tońazytqysh, teledıdar, peshtiń ottyǵy sııaqty dúnıelerdi qoldy qylǵany úshin 3,5 jylǵa bas bostandyǵynan aıyrý jazasyna kesilgen. Alaıda kórsetilgen senimdi aqtamaı, salynǵan shekteýlerdi buzyp, aýdan ortalyǵynan ketip qalǵan. Jedel-profılaktıkalyq is-shara sheńberinde ol Petropavl qalasyndaǵy "Jumysshy" kentinde jasyrynyp júrgen jerinen tabyldy. Endi ol qalǵan merzimin bas bostandyǵyn aıyrý oryndarynda óteıtin bolady.

Sondaı-aq is-shara barysynda buryn jasalǵan qylmystardy ashý boıynsha jumys kúsheıtilip, urlanǵan múlikti ótkizý jáne saqtaý oryndary boıynsha reıdter júrgizilgen. 3 kún boıy bazarlar men lombardtar, 200-den astam túrli saýda oryndary tekserildi. Nátıjesinde buryn jasalǵan 12 páter urlyǵy, onyń ishinde ótken jyldarda jasalǵan 6 urlyq ashyldy.

Sóıtip, operasııa aıasynda barlyǵy 22 páter urlyǵy ashylyp, ony jasaǵan 20 soltústikqazaqstandyq ustaldy, sonyń 9-y buryn sotty bolǵandar.

 

Soltústik Qazaqstan oblysy

Sońǵy jańalyqtar

Uqsas jańalyqtar