Aımaqtar • 02 Tamyz, 2020

Almaty polısııasy bir táýlikte 56 motosıklshige aıyppul saldy

55 ret kórsetildi

Almaty qalasynyń polısııa Departamenti bul kúnderi qalada motosıkl kóliginiń júrgizýshileri, sondaı-aq rezonatorlary bar avtokólikterdiń quqyq buzýshylyqtaryn anyqtaýǵa baǵyttalǵan jedel-aldyn alý sharasy júrgizilip jatqanyn eske salady, - dep jazady Egemen.kz

"Bul reıdtik sharalar eń aldymen joldaǵy jaǵdaıdy turaqtandyrýǵa, jazataıym oqıǵalardy azaıtýǵa jáne azamattardyń tynyshtyǵyn qamtamasyz etýge baǵyttalǵanyn atap ótkim keledi. Ásirese, qala joldarynyń boıynda ornalasqan úılerdiń turǵyndary. Jyldam júrý, aıqaılaý jáne rezonatorlardyń jumysyna narazylyq bildiretin turǵyndardan kóptegen ótinishter túsedi. Aıtpaqshy, olardyń ishinde qart adamdar men kishkentaı balalary bar azamattar bar. Osy faktorlardyń barlyǵy qala joldarynda shıelenisti jaǵdaı týǵyzady. Osyǵan baılanysty polısııa maqsatty jumys júrgizýde", - dedi, Almaty qalalyq PD jergilikti polısııa qyzmeti Basqarmasynyń bastyǵy, polısııa polkovnıgi Manap Sattarov.

Spıkerdiń sózine súıensek, ótken táýliktiń ishinde bólimshe qyzmetkerleri 56 jol qozǵalysy erejelerin buzýshylyqty anyqtaǵan.

"Atap aıtqanda, kólik quralyn memlekettik nómirlik belgileri joq júrgizýdiń 7 faktisi, júrgizýshi kýáliginsiz kólikti basqarý faktisi 11, kólik quralyn saqtandyrý polısinsiz júrgizý 4 , 1 kólik quralyn zańsyz aýystyrý faktisi jáne t.b. 12 motosıkl mamandandyrylǵan aıyppul turaǵyna ákelindi. Sonymen qatar, jeke aıta ketý kerek, Almaty qalasynyń joldarynda kezekshilik táýlik kezinde rezonatorlardy sanksııasyz qoldanǵan 22 avtokólik anyqtaldy. 590-baptyń 5-bóligine sáıkes jol qaýipsizdigi erejelerine sáıkes kelmeıtin kólik quralyn basqarǵany úshin osy kólikterdiń júrgizýshileri ákimshilik jaýapkershilikke tartyldy. Qalada osyndaı is-sharalar kún saıyn ótedi", - dep túıindedi Manap Sattarov.

Sońǵy jańalyqtar

Uqsas jańalyqtar