Aımaqtar • 02 Tamyz, 2020

Atyraýda ýaqytsha shekteý 17 tamyzǵa deıin uzartyldy

365 ret kórsetildi

Búgin, 2 tamyzda oblystyń bas memlekettik sanıtarlyq dárigeri Qanat Ǵaınedenov arnaıy qaýlyǵa qol qoıdy. Bas sanıtarlyq dárigerdiń qaýlysy  3 tamyzda saǵat 00:00-de kúshine enedi. Ýaqytsha shekteý sharalary 17 tamyz saǵat 00:00-deıin sozylady, - dep jazady Egemen.kz

"Dýmandy, aýqymdy sporttyq sharalar, kórmeler, forým, konferensııa, sondaı-aq, otbasylyq eske alý (banket, toı, mereıtoı, sadaqa) jáne úı jaǵdaıynda ózgede sharalardyń ótkizilýine, saýda úıleri, saýda jelileriniń, oıyn-saýyq ortalyqtarynyń (karaoke, bılıard, kompıýterlik klýb, kalıan, býkmekerlik keńseler, túngi klýbtar, boýlıng ortalyqtar, attraksıondar, balalar oıyn alańdary, batýttar jáne basqalar), kınoteatrlardyń, barlyq mádenı nysandar qyzmetine (teatrlar, konserttik zaldar, murajaı, kórmeler jáne t.b.),  balalar saýyqtyrý lagerleriniń, mektepke deıingi uıymdardyń, balalardyń korreksııalyq kabınetteriniń, bilim ortalyqtarynyń, balalardy damytý ortalyqtarynyń, úıirmeler, balalarǵa jáne eresekterge arnalǵan kýrstarǵa, fýdkort, banket zaldarynyń, SPA ortalyqtary, jattyǵý zaldary, fıtnes ortalyqtary, sporttyq-saýyqtyrý ortalyqtary, basseın, qoǵamdyq monsha, saýna, sulýlyq salondary, shashtaraz, kosmetıkalyq jáne kosmetologııalyq qyzmet kórsetetin, manıkıýr, pedıkıýr qyzmetin kórsetetin ortalyqtar men salondar, qalalyq jáne qoǵamdyq jaǵajaılar, akvaparkter, demalys oryndarynyń, jabyq ǵımarattaǵy azyq-túlik jáne azyq-túlik emes bazarlardyń,  kólik jýý, avtomobılderdi jóndeý, turmystyq qyzmet túrlerine qyzmet kórsetýge,  bıznes ortalyqtardyń ( advokat, notarıýs, býhgalterlik jáne keńes berý qyzmetteri, jyljymaıtyn múlik agenttikteri, jarnama agenttikteri, sot oryndaýshylary jáne basqalar) qyzmetine tyıym salynsyn,   dinı oryndar (meshit, shirkeý, ǵıbadathana, sınagog jáne t.b) qyzmeti toqtatylsyn", -delingen qaýlyda.

Sondaı-aq, oblys aýmaǵyndaǵy qalalar men eldimekenderge avtobýstar,  Almaty qalasyna, Aqtóbe jáne Mańǵystaý oblysyna poıyzdar qatynamaıdy. Turǵyndar men avtokóliktiń qozǵalysyna túngi saǵat 23:00-den tańǵy saǵat 06:00-ge deıin tyıym  salynyp otyr.

Azyq-túlik dúkenderi saǵat 10:00-den 21:00-ge deıin jumys isteıdi. Al, azyq-túlik emes dúkender, dámhanalar men meıramhanalarǵa, kondıterlik ónimderdi daıyndaýmen jáne satýmen aınalysatyn  saýda oryndaryna, zoodúkenderge  "úıge jetkizý" qaǵıdatymen saǵat 10:00-21:00 aralyǵynda jumys isteýge ruqsat berildi. Dárihanalardyń jumysy tańǵy saǵat 8:00-den keshki saǵat 22:00-ge sozylady.

 

Sońǵy jańalyqtar

Tashkent tragedııasy

Sport • Keshe

Uqsas jańalyqtar