Aımaqtar • 02 Tamyz, 2020

StartUP Battle 2020 baıqaýynyń jeńimpazdary anyqtaldy

34 ret kórsetildi

Brıtandyq Keńes pen "Shevron" korporasııasynan 3 áleýmettik jobaǵa grant tabystalady. Onlaın formatta Brıtandyq Keńes, "Shevron" korporasııasy men Atyraý oblysy ákimdiginiń birlesken StartUP Battle áleýmettik kásipkerlikti damytýǵa arnalǵan jobasynyń jeńimpazdary anyqtaldy. Qatysýshylar bul kúni ádil qazylar alqasy aldynda Atyraý qalasy úshin áleýmettik mańyzy bar ıdeıalarymen bólisip, óz jobalaryn qorǵady.

Jobaǵa qatysýǵa jalpy sany 109 ótinim tústi, onyń ishinde birinshi jartylaı fınalǵa 25 joba ótse, aqtyq fınalǵa 10 qatysýshy joldama aldy.

Úsh apta boıy tájirıbeli bıznes-tálimgerler ózderiniń bilimderimen bólisip, StartUP Battle qatysýshylaryna áleýmettik mańyzdy ıdeıalar men tájiribıelerin sátti usynýǵa kómektesti. Jartylaı fınalıster sonymen qatar usyný, IT jáne pıtchıng boıynsha trenıngterden ótti. Jeńiske jetken jastardy saltanatty túrde marapattaý rásimi 30 shilde kúni tikeleı efır arqyly YouTube jáne Facebook platformalarynda uıymdastyryldy. Baıqaý nátıjesi boıynsha kelesi jobalarǵa grant tabystaldy.
1. Aızada Jaıyqova, “Molekula” art-terapııa ortalyǵy (Atyraý qalasynda 13-18 jas aralyǵyndaǵy erekshe jasóspirimderdi damytý jáne qoldaý kórsetý)
2. Ýtebalıeva Gýlden, Batyr (erekshe jandarǵa arnalǵan sport klýby)
3. Ismakova Aıgerım, Toleshova Aıgýl, Ybyraıhanqyzy Ásel, NIET (Atyraý qalasynda qaıta paıdalanylatyn ónim úlesin arttyrýǵa baǵyttalǵan)
Sonymen qatar, baıqaý erejesine sáıkes tórtinshi jeńimpazdy kórermender onlaın daýys berý arqyly anyqtaıdy. Brıtandyq Keńestiń resmı saıtyna ótip, daýys berýińizge bolady. Daýys berý 3 qyrkúıekke deıin jalǵasady.

"Men I-SEED jobasyna bizdiń jobany júzege asyrý múmkindigi úshin úlken alǵysymdy bildirgim keledi. Biz alańdaǵanymyz sonshalyq, jobaǵa qatysty barlyq máselelerdi usaq-túıegine deıin: qalaı durys sóıleý kerek, ym-ısharany oryndy qoldaný, tálimgerdiń baǵa jetpes nusqaýlaryn qoldanýǵa tyrystyq. 3,5 apta ishinde alǵan tájirıbemiz on jylǵa jetedi, al ıgergen sabaǵymyz – kem degende bes jylǵa jetedi" dep, I-SEED StartUP Battle jeńimpazy, NIET jobasynyń múshesi – Ismakova Aıgerım is-sharadan alǵan áserlerimen bólisti.

Baıqaý "I-SEED: Innovasııalar – áleýmettik kásipkerlik jáne bilim berý" jobasynyń aıasynda jyl saıyn uıymdastyrylady.

Sońǵy jańalyqtar

Uqsas jańalyqtar