Búginde toǵyz joldyń torabynda ornalasqan Qordaı aýdanynda bul bastama el ıgiligine qyzmet etýde. Máselen, aýdan boıynsha baspanaǵa muqtaj 25 otbasy anyqtalyp, qazirgi kezde 15 otbasyn turǵyn úımen qamtý jumystary bastalyp ketti. Aǵymdaǵy jyly aýdandaǵy Alǵa, Jambyl, Stepnoe, Qasyq, Aýqatty, Qarasý jáne Otar aýyldarynda turatyn kópbalaly, múmkindigi shekteýli, áleýmettik jaǵynan az qamtylǵan otbasylar men jalǵyzbasty analar baspanaly bolady. Sol sııaqty asarlatyp úı salý jumystary Áljan ana aýylynda da jalǵasyn tabýda. Munda da anasynan erte aıyrylyp, ákesiniń qamqorlyǵynsyz qalǵan aǵaıyndy eki balany turǵyn úımen qamtý jumysy júrgizilýde. Áljan ana aýyldyq okrýgi ákimdiginiń uıytqy bolýynyń jáne kásipker azamattardyń qaıyrymdylyǵynyń nátıjesinde bos turǵan úı búginde kúrdeli jóndeýden ótýde. Atalǵan úıdiń esik-terezeleri aýystyrylyp, ishi áktelip, syrlanyp, eski qoralar tehnıkanyń kúshimen súrilip tastalǵan. Endi bul úıge kógildir otyn men elektr jelilerin tartý máseleleri uıymdastyrylýda.
Jambyl oblysy
