Aımaqtar • 03 Tamyz, 2020

5 balaly otbasyna baspana satyp alyp berdi

16 ret kórsetildi

"Myń alǵys" aksııasyna úles qosýdy paryz sanaǵan jomart jandy azamattar Almaty oblysynyń Alakól aýdanynan kóptep shyǵýda. Qolynda baryn muqtaj otbasylaryna bólisip, qaıyrym jasaýǵa árqashan daıyn júretin olar qazirgideı syndarly shaqta indetpen kúresý úshin jumylýda, - dep habarlaıdy egemen.kz.

Jaqynda alakóldik birneshe sharýa qojalyǵynbasshylary bas qosyp, 3 bas iri qara soıdy. Al maldyń jas etin aýdan aýmaǵynda indetpen kúresip jatqan medısna qyzmetkerlerine taratyp berdi. Qazir ortalyq aýrýhananyń ınfeksııalyq bólimi men Úsharal áskerı gornızonynyń lazareti koronavırýs juqtyrǵan naýqastardy emdeý isimen kúndiz-túni aınalysýda. Sharýa qojalyqtary ákelgen jarty tonna et dárigerler men naýqastardyń ystyq tamaǵyna jumsalmaq. Sondaı-aq, Alakól aýdanynyń qurmetti azamaty, "ZHERSU" korporasııasy baqylaý keńesiniń tóraǵasy Baýyrjan Ospanov Qurban aıt qarsańynda 4 ógizdi qurbandyqqa shalyp, Lepsi jáne Jylandy aýyldaryndaǵy turmysy tómen, muqtaj otbasylarǵa taratyp bergen.

Al "Yrys" jáne "Aımanbetov" sharýa qojalyǵynyń ıesi Ryskeldi Aımanbetov aýdandyq aýrýhanaǵa 5 birdeı jasandy tynys alý apparatyn syıǵa tartty. Jaqynda Almaty qalasynda ornalasqan "Surveygroup" JShS bas dırektory Erjan Manapov ta aýdandyq aýrýhanaǵa  4 jasandy tynys alý apparatyn satyp ápergen bolatyn. Jalpy osyndaı ıgi iske úles qosý Alakól aýdanynyń qaltaly azamatary úshin dástúrge aınaldy dese de bolady. Kásipkerler emdeý mekemelerine medısınalyq qural-jabdyqtardy syıǵa tartýda. Sol arqyly jerlesteriniń ómirin saqtap qalýǵa barynsha at salysýda. Buǵan deıin olar indetke shaldyqqan naýqastardyń emine shıpa bolar degen senimmen qoldaý kórsetip, 11 ottegi konsentrantyn tabys etken bolatyn.

Al Qurban aıt qarsańynda baspanaǵa muqtaj alakóldik kópbalaly otbasy úshin erekshe qýanyshty oqıǵa oryn aldy. Aýdandaǵy "Dıana" qaıyrymdylyq qory qarjy jınap, olarǵa 3 bólmeli úı satyp alyp berdi. Endi Aqtúbek aýylynda turatyn kópbalaly ana Samal Núrpeıisovanyń jeke shańyraǵynyń tútinin tútetin boldy.

- Samal 5 bala tárbıelep otyr eken. Biz onyń baspanaǵa muqtaj ekenin estip, qaıyrymdy jandarǵa saýyn aıttyq. Az ýaqyt aralyǵynda 920 000 teńge qarjy jınaldy. Osy aqshaǵa Aqtúbek aýylynan 3 bólmeli úı satyp alyp, kópbalaly otbasyn qýanttyq, - deıdi "Dıana" qaıyrymdylyq qorynyń ókili Q.Qapar.

Jalpy, alakóldik qaıyrymdy azamattar jınaǵan qarjyǵa muqtaj otbasylar úshin baspana satyp alý isi jolǵa qoıylǵan. Búginge deıin alty otbasy qonys toıyn menshikti baspanalarynda atap ótti.

Sońǵy jańalyqtar

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Atyraýda jol apatynan 39 adam kóz jumdy

Aımaqtar • Búgin, 09:58

Uqsas jańalyqtar