"Qurylysy uzaqqa sozylǵan nysandy aıaqtaýǵa memleket qarajat bóldi, biraq ol qarajat qaıtarymdy. Investorlar nysanǵa kirýi úshin turǵyn úı keshenderi rentabeldi bolýy, qosymsha alańnyń bolýy mańyzdy. Osy máselelerdi sheshý úshin ınvestorlarǵa qarajattyń qaıtarylýyn qamtamasyz etý jáne qurylysty aıaqtaý úshin donor retinde qosymsha ýchaskeler bólemiz. Tańerteńgilik aralaý barysynda "Aısanam De Luxe" jáne "Jeti jol" nysandarynyń qurylys barysymen tanystym. Bul turǵyn úılerdiń qurylysy 2013-14 jyldary bastaldy, úleskerlerdiń jalpy sany 1 myńnan astam adam. Úlestik qurylys nysandary boıynsha qadamdyq is-sharalar jospary bekitildi", - dedi Altaı Kólginov.
