"Dúnıejúzilik densaýlyq saqtaý uıymynyń keńesimen biz 2020 jyldyń 1 tamyzynan bastap KVI men pnevmonııa boıynsha statıstıkanyń biriktirý týraly sheshim qabyldadyq. Kóp adam DDSU bul týraly 18 shildede habarlasa, Qazaqstan statıstıkany nelikten 1 tamyzdan bastaǵaly jatyr deıdi.
Sebep mynada: bizge kodırovka men pasıentterdi tirkeý júıesiniń senimdiligin qamtamasyz etý algorıtmin ázirleý úshin, qazirgi aqparattyq júıeni baptap, jańa málimetterdi engizý úshin personaldy daıyndaýǵa eki aptaǵa jýyq ýaqyt kerek boldy. Bul óte kúrdeli ári kóp kúshti talap etetin sharýa.
Bizdiń aldymyzda az ýaqyttyń ishinde dárigerlerdi koronavırýs pnevmonııasynyń belgilerin anyqtap, ony esep júıesine tirkeý mindeti turdy. Biz bul jumysty atqardyq. Endigi kezekte DDSU-nyń sońǵy standarttaryna sáıkes naýqastardyń bárin tirkeýge daıynbyz", dedi Densaýlyq saqtaý mınıstri.
