Úzdikter kóshin Taıson Fıýrı bastap tur. 12 tamyzda 32 jasqa tolǵaly otyrǵan Ulybrıtanııanyń ókili bul kúnderi WBC nusqasy boıynsha chempıondyq belbeýdi ıelenýde. 12 jylǵa jýyq ýaqyt boıy kásipqoı rıngte judyryqasyp júrgen ol sol aralyqta 31 kezdesý ótkizip, 30 ret jeńiske jetti. 21 qarsylasyn nokaýtqa jiberdi. Tek 2018 jyldyń 1 jeltoqsanynda Deonteı Ýaıdlermen bolǵan jekpe-jekte teń esep tirkelgen bolatyn. Alaıda bıyl qysta qos myqtynyń joly qaıta qıysyp, sol báseke Fıýrıdiń basymdyǵy esh kúmán týǵyzǵan joq. Jetinshi raýndta Ýaıdlerdiń sekýndanttary rıngke aq oramal laqtyrdy.
Sondaı-aq, "TOP-10" boksshynyń sanatyna Entonı Djoshýa (23-1-0), Dıllıan Ýaıt (27-1-0), Deonteı Ýaılder (42-1-1), Lýıs Ortıs (31-2-0), Aleksandr Povetkın (35-2-1), Djozef Parker (27-2-0), Maıkl Hanter (18-1-1), Oskar Rıvas (26-1-0) jáne Kýbrat Pýlev (28-1-0) syndy gúrzi judyryqty jigitter endi.
