Astanada Qazaqstan Respýblıkasy Qarýly Kúshteri Qurlyq áskerleriniń bas qolbasshysy general-leıtenant Murat Maıkeev Qazaqstan Respýblıkasyndaǵy AQSh Elshiligi janyndaǵy áskerı attashe polkovnık Endrıý Berrıermen kezdesti.
Astanada Qazaqstan Respýblıkasy Qarýly Kúshteri Qurlyq áskerleriniń bas qolbasshysy general-leıtenant Murat Maıkeev Qazaqstan Respýblıkasyndaǵy AQSh Elshiligi janyndaǵy áskerı attashe polkovnık Endrıý Berrıermen kezdesti.
Kelissóz barysynda taraptar Qazaqstan men AQSh Qurlyq áskerleriniń áskerı-tehnıkalyq yntymaqtastyq jáne áskerı bilim salasyndaǵy ózara is-qımyldyń qazirgi jaǵdaıy men keleshegin talqylady. Sonymen qatar, Murat Maıkeev pen Endrıý Berrıer Ortalyq Azııa aımaǵyndaǵy óńirlik qaýipsizdikti qamtamasyz etý máselelerin de qarastyrdy.
Bas qolbasshy NATO, onyń ishinde AQSh Qarýly kúshterinde keńinen qoldanylatyn jaýyngerlik daıyndyqtyń jańa júıesi – nusqaýshylar júıesi Qurlyq áskerlerinde sátti qoldanylyp jatqanyn atap ótti. Sondaı-aq, Murat Maıkeev polkovnık Endrııý Berrıerge QR Qarýly Kúshterinde júrgizilip jatqan reformalar, kásibı áskerge kóshý týraly aıtyp berdi.
– Búginde Qazaqstan Qarýly Kúshteri jasaqtaýdyń kelisimshart boıynsha túrine ótýge daıyn. Qurlyq áskerleri qazirgi zamanǵy qarý-jaraqpen qamtamasyz etilgen, jeke quramnyń kásibı daıyndyǵy joǵary deńgeıde. Osynyń bári kásibı áskerge kóshýdiń alǵysharttary. Eń bastysy, biz QR QK Joǵarǵy Bas qolbasshysynyń sany jaǵynan az, kásibı jáne qorǵanys qabileti myqty ásker qurý týraly talabyn oryndaýdamyz, – dedi general-leıtenant Murat Maıkeev.
О́z kezeginde polkovnık Endrıý Berrıer jýyrda ǵana Reseı Federasııasynyń aýmaǵynda ótken «Myzǵymas baýyrlastyq-2013» bitimgershilik oqý-jattyǵýyna qatysqan «Qazbrıg» jeke quramynyń joǵary kásibıligin atap ótti.
«Egemen-aqparat».
