Aımaqtar • 03 Tamyz, 2020

Almaty irgesindegi aýyl turǵyndary Amandyq Batalovtan kómek suraıdy

1556 ret kórsetildi

"Egemen Qazaqstan" gazetiniń Almaty oblysyndaǵy tilshiler qosynyna Ile aýdany, Baıserke aýyldyq okrýgi, Qoıanqus aýylyna qarasty «Qoıanqus» baý-baqsha seriktestigi turǵyndary ótinish aıtyp habarlasty. Aýyldaǵy aǵaıyn birneshe jyldan beri sheshýin kútken áleýmettik máseleniń túıinin tarqatýǵa jergilikti atqarýshy bılik ókilderiniń qulyqsyzdyǵyna narazylyq bildirip, basylym arqyly joǵaryǵa muń-zaryn jetkizgisi keledi, - dep habarlaıdy egemen.kz.

- Bizdiń aýylymyz Almaty qalasynyń shekarasynan 1 shaqyrym qashyqtyqta ornalasqan. Al "Qoıanqus" baý-baqsha seriktestiginiń qurylǵanyna 7 jyldan asty. Osy ýaqyt ishinde 200 úı salyndy. Aýyz sý, gaz jelisine turǵyndar aqsha jınap, óz kúshimizben qosyldyq. Qazir aýylda 12 kóp balaly otbasy, 35 zeınet jasyndaǵy qarııa, 7 múmkindigi shekteýli adam turyp jatyr. Aýylda memlekettiń aralasýymen sheshiletin másele bar. Biz ol jaıynda Ile aýdany ákimshiligine jyl saıyn shaǵymdanyp, jaýap ala almaı otyrmyz. Jaqynda aýdan ákimi Baǵdat Qarasaevtyń onlaın qabyldaýynda bolyp, aýyldyń máselesin júzbe-júz aıttym. Ákim aýdandyq bólimderge tapsyrǵan edi, biraq...- deıdi atalǵan baý-baqsha seriktestiginiń tóraıymy Gúljııan Nurǵalıeva.

Turǵyndardyń ótinishin jetkizgen seriktestik tóraıymynyń aıtýynsha, Ile aýdany ákimdigi «qoıanqustyqtardy» jyl saıyn shyǵaryp salma jaýappen jubatyp keledi eken. Al aýyldyń tynys-tirshiligi úshin aýadaı qajet máseleniń bıyl da sheshilmeı qalýynan qoryqqan turǵyndar oblys ákimi Amandyq Batalovtyń atyna da hat joldapty. О́kinishke qaraı, maýsym aıynda jiberilgen ótinishtiń jaýabyn kútken el kúzge de jetti.

- Jalpy, bizdiń máselemiz memleket úshin asa bir salmaq salatyndaı kúrdeli emes dep oılaımyn. О́ıtkeni, qazir aýylda tirshilik etýge qajetti jaǵdaı bar, ony turǵyndar óz qaltalarynan qarajat shyǵaryp jasap alǵan. Ortalyqtanǵan sý júıesin iske qostyq, ár úıge deıin gaz qubyry tartylǵan, kóshege qum men tas tóseldi. Bul jaǵynan eshkimge aýyz ashyp otyrǵan joqpyz. Biraq, eldi mekenniń odan ári gúldenýi úshin memlekettiń kómegi qajet. Dál qazir sheshimin kútken birneshe másele bar, soǵan qulaq túretin adam tabylmaı otyrǵany ókinishti, - deıdi Gúljııan Nurǵalıeva.

Atap aıtqanda, baý-baqsha seriktestigi aýmaǵyndaǵy elektr jelisi jeke adamnyń ıeliginde eken, sondyqtan tarıf qymbat. Onyń ústine aýylda jaryq jıi sónedi. Turǵyndar osy elektr jelisin memlekettiń balansyna ótkizýdiń múmkindigin qarastyrýdy suraıdy. Taǵy bir másele: aýyldyń ishinen joǵary voltti elektr lınııasy ótedi eken. Ony Ile aýdanynyń energetıka bólimi eldi mekenniń syrtyna kóshirýi tıis bolǵan, bas jospar boıynsha solaı belgilengen-mys. Biraq, bul sheshim de oryndalar emes. Sondaı-aq, aýylǵa telefon men keńjolaqty ınternet baılanysyn qosý týraly turǵyndar ótinishi birneshe jyldan beri aýdandyq «Qazaqtelekom» kompanııasynda qaralmaı jatqan kórinedi. Qazir aýylda uıaly baılanys ta nashar eken.

- Internet baılanysynyń nasharlyǵynan ótken kóktemde, qashyqtan oqý kezinde qatty qınaldyq. Aýylda 135 oqýshy bar. Mine, jańa oqý jylynda da sabaqty qashyqtan oqıtyn boldyq. Iаǵnı, ata-analar men oqýshylar taǵy áýrege túsetini anyq. Bizge aýdandyq «Qazaqtelekom» kompanııasy turǵyndardyń suranysyna oraı ótinishti qaraıtyndaryn, tólem qabiletin rastaý týraly zerdeleýden keıin aýylǵa baılanys baǵanalaryn ornatýdy qolǵa alatyndaryn aıtqan edi. Dál qazir shamamen eki júzden astam turǵyn úı ıeleri keńjolaqty ınternet qyzmetin tutynýǵa daıyn, - dedi baý-baqsha seriktestiginiń basshysy bizge.

Aıtpaqshy, aýyl turǵyndary úshin taǵy bir basty másele bar eken. Jańadan salynǵan aýyl men úlken joldyń ara qashyqtyǵy 350 metrge jýyq eken. Osy jolda shaǵyn ózen bar. Turǵyndar ózennen ótetin kópirdi óz kúshimen jóndep alǵan. Alaıda, sý tasqyny bola qalǵan jaǵdaıda aýylǵa qaýip tónýi múmkin. «Qoıanqustyqtar» osy kópir men aýylǵa deıingi 350 metr joldy jóndeýge ákimdik qol ushyn berse deıdi.

- Bizdi "Egemen Qazaqstan" gazetinen kómek suraýǵa Ile aýdany ákiminiń orynbasary S. Erekeshov qol qoıǵan jaýap hat májbúr etip otyr. Sheneýniktiń jaýabyna qarasaq, baý-baqsha seriktestiginiń aýmaǵynda turatyn adamdar úshin memleket tarapynan qandaı da bir járdem kútý ábestik eken. О́ıtkeni, orynbasardyń jaýabynda baý-baqsha seriktestiginiń memleket qaramaǵyna jatpaıtyndyǵyn, biz kótergen másele, onyń ishinde kómek surap otyrǵan 350 metr jol men kópirdi jóndeýge qarajat joqtyǵyn aıtylypty. Iаǵnı, turǵyndar burynnan estip kele jatqan jaýyr jaýap taǵy aıtylǵan. Adan ákimdiginiń shyǵaryp salma jaýabyna qanaǵattanbaǵandyqtan da biz oblys ákimi Amandyq Batalovqa júgingen bolatynbyz. Biraq, budan da nátıje bolmaıtyn sııaqty, - deıdi sharasyzdyqtan kúıingen aýyl turǵyndary.

Jalpy, «Qoıanqus» baý-baqsha seriktestigi qurylǵaly beri aýyldyń irgesi birneshe esege keńeıgen eken. Qazir jańa qurylys aýmaǵy Qoıanqus aýylynyń aýmaǵymen qosylyp, úlken eldi mekenge aınalǵan. Al seriktestik jeke kooperatıv bolǵanyna qaramastan baıyrǵy aýyldyń esebine kiretin úılerdi de sý, jaryq, gazben qamtýǵa kirisken.  

- «Qoıanqus» baý-baqsha seriktestigi Almaty qalasy shekarasynan 1 km qashyqta ornalasqan. Qazirgi zamanda órkenıettiń irgesinde otyryp,  memleket qamqorlyǵyn sezinbeý ókinishti. О́z kúshimizge sengenimiz durys, ózgege de qaraılasqan oryndy. Biraq, atqarýshy bılik muny bilýi kerek. Áleýmettik másele sheshilmese ol qordalanyp, shıelenise túsedi, dál qazir bizdiń aýylda osy kórinis qalyptasty. Adamdar óz qarajatyna aýyl problemasyn qashanǵa deıin sheshe beredi? Mysaly, aýyl turǵyndary óz kúshimen salǵan aýyz sý jelisi men elektr júıesine aýyl ákimdiginiń balansyna kiretin 30 úıdiń qosylýyna ruhsat bergen. Iаǵnı, seriktestik 30 úıdi sýmen, jaryqpen qamtyp otyr. О́kinishke qaraı, aýyl ıeligine kiretin kishi Abaı kóshesindegi osy 30 úıdiń jolyn, sý men jaryǵyn ákimdik qarajatyna jóndelip, qosylǵany jaıynda joǵaryǵa esep berilgen. Is júzinde olaı bolmaǵanBuǵan turǵyndar kýá. Biz aqyldasa kele, Ile aýdany ákimi Baǵdat Qarasaevqa óz talabymyzdy aıtqan edik. Eger baý-baqsha seriktestigine memleketten járdem bolmasa, aýyl ákiminiń balansyna kiretin 30 úıge sý men jaryq berýdi toqtatamyz, - deıdi baý-baqsha seriktestiginiń tóraıymy Gúljııan Nurǵalıeva. 

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Uqsas jańalyqtar