Parlament Senatynyń Halyqaralyq qatynastar, qorǵanys jáne qaýipsizdik komıteti Mańǵystaý oblysynda kóshpeli otyrys ótkizdi. Aqtaý qalasyndaǵy Áskerı-teńiz bazasynyń Jaýyngerlik basqarý ortalyǵynda ótken otyrysty Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov ashyp, depýtattar saparynyń maqsatymen tanystyrdy, dep habarlady osy palatanyń baspasóz qyzmeti.
Parlament Senatynyń Halyqaralyq qatynastar, qorǵanys jáne qaýipsizdik komıteti Mańǵystaý oblysynda kóshpeli otyrys ótkizdi. Aqtaý qalasyndaǵy Áskerı-teńiz bazasynyń Jaýyngerlik basqarý ortalyǵynda ótken otyrysty Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov ashyp, depýtattar saparynyń maqsatymen tanystyrdy, dep habarlady osy palatanyń baspasóz qyzmeti.
Parlamentte qabyldanǵan zańdar Memleket basshysy N.Nazarbaevtyń «Qazaqstan-2050» Strategııasynan bastaý alatynyn atap ótken I.Adyrbekov sapardyń Senattyń 2013 jylǵa arnalǵan Negizgi is-sharalar josparyna sáıkes ótip otyrǵanyn jetkizdi.
«Búgingi tańda Elbasymyzdyń bastamasymen elimizde júrgizilip jatqan qazaqstandyq qamtýdy damytýdaǵy ındýstrııalyq-ınnovasııalyq saıasat aıasynda Qarýly Kúshterdi, Shekara qyzmetin, basqa da kúshtik qurylymdardy otandyq taýarlarmen qamtamasyz etý máselesi qarqyndy túrde qolǵa alynýda. Parlament qabyrǵasynda elimizdiń qaýipsizdigin nyǵaıtýǵa, qorǵanys áleýetin arttyrýǵa, áskerı qyzmetshilerdiń áleýmettik jaǵdaıyn jaqsartýǵa baǵyttalǵan: «Qazaqstan Respýblıkasynyń ulttyq qaýipsizdigi týraly», «Syrtqy barlaý týraly», «Áskerı qyzmet jáne áskerı qyzmetshilerdiń mártebesi týraly», «Arnaýly memlekettik organdar týraly», «Qazaqstan Respýblıkasynyń Memlekettik shekarasy týraly» jáne «Memlekettik qorǵanystyq tapsyrys týraly» birqatar zańdar qabyldandy. Osy basqosýymyzdyń basty maqsaty – sol zańdardyń jaı-kúıimen, oryndalý barysymen tanysý», dep atap ótti komıtet tóraǵasy.
Otyrysta elimizdiń Qorǵanys jáne Shekara qyzmeti qurylymdarynda Qazaqstan zańdaryn iske asyrý jáne qorǵanys salasyndaǵy memlekettik tapsyrystardyń oryndalý barysy jan-jaqty saralandy. Sóz alǵan Senat depýtaty Muhtar Altynbaev elimizdiń batys ólkesinde qorǵanys salasynyń tapsyrystaryn oryndap otyrǵan birqatar óndiris oshaqtary bar ekenin aıta kelip, ondaǵy sheshimin tappaǵan máselelerdi qarastyrýǵa toqtaldy. Senator óndiris oryndaryna zańnamalyq turǵyda qandaı kómekti qajetsinetini, keleshekte qandaı baǵyt-baǵdar ustaný kerektigi tolǵandyratynyn atap ótti.
«Zańdardyń qalaı júzege asyp jatqany, zań baptaryn iske asyrýǵa kedergiler, basqa da kúrdeli máseleler boıynsha ózderińizben birge oı bólisip, pikir almasýdy maqsat etip otyrmyz», dedi M.Altynbaev.
Kóshpeli otyrysta elimizdiń Qarýly Kúshteri Áskerı-teńiz bazasynyń komandıri S.Bekjanov, «Qazaqstan ınjınırıng» ulttyq kompanııasynyń vıse-prezıdenti Q.Tileýbaldın, Oraldaǵy «Zenıt» zaýytynyń bas dırektory V.Valıev, «Indro» Qazaqstan ınjınırıng» JShS-niń bas dırektory F.Tolqymbaev, «Gıdroqural» aksıonerlik qoǵamynyń bas dırektory A.Gnılomedov sóz sóılep, óz pikirlerin ortaǵa saldy.
Otyrys sońynda sóz alǵan komıtet tóraǵasy I.Adyrbekov basqosýda aıtylǵan usynystar men pikirler joǵarǵy palatada zań jobalaryn jetildirý jáne zań shyǵarý jumystarynyń barysynda eskeriletinin atap ótti.
