Keshe Prezıdent janyndaǵy Ortalyq kommýnıkasııalar qyzmetinde dástúrli brıfıng ótti. Brıfıngtiń bul jolǵy taqyryby Memleket basshysynyń ústimizdegi jyldyń 11 qazanynda Úkimettiń keńeıtilgen otyrysynda bergen tapsyrmalarynyń oryndalý barysyna arnaldy. Basqosýdyń bul jolǵy qonaǵy Kólik jáne kommýnıkasııa mınıstri Asqar Jumaǵalıev boldy.
Keshe Prezıdent janyndaǵy Ortalyq kommýnıkasııalar qyzmetinde dástúrli brıfıng ótti. Brıfıngtiń bul jolǵy taqyryby Memleket basshysynyń ústimizdegi jyldyń 11 qazanynda Úkimettiń keńeıtilgen otyrysynda bergen tapsyrmalarynyń oryndalý barysyna arnaldy. Basqosýdyń bul jolǵy qonaǵy Kólik jáne kommýnıkasııa mınıstri Asqar Jumaǵalıev boldy.
«О́zderińizge belgili Úkimettiń keńeıtilgen otyrysynda Elbasy jol salasyna qatysty ádil syn aıtqan bolatyn. Qazirgi tańda jol salasynda birneshe problemalar bar. Elimizdegi jalpy joldardyń 33 paıyzy nashar dep aıtýǵa bolady. Olardyń jóndeý jumystarynyń sapasyn jaqsartý kerek. Aýyr júk kólikteri joldardy buzyp jatyr. Osy máselelerdi sheshý maqsatynda birqatar jumystar atqarýdamyz», dedi Kólik jáne kommýnıkasııa mınıstri Asqar Jumaǵalıev.
Jalpy mınıstrlik bıyl 5898 shaqyrym jolǵa jóndeý jumystaryn júrgizgen. Sonymen birge, Batys Qytaı – Batys Eýropa jolynda da qarqyndy jumystar atqarylýda eken. Bıyl jospar boıynsha 806 shaqyrymy salyný kerek bolsa, búgingi tańda sonyń 710 shaqyrymy salynǵan. Mınıstr qalǵan jol shaqyrymdarynyń jyl sońyna deıin bitetindigine úmitti ekenin jetkizdi.
Prezıdent tapsyrmasymen Astana – Pavlodar, Astana –Temirtaý, Almaty – Qapshaǵaı ýchaskelerinde qurylys jumystary bastalyp ketken. Jańa tehnologııalarǵa arnalǵan 40 eksperımentaldy ýchaske bar. Memleket basshysy aıtqan monolıtti temir-beton tehnologııasy qazir synaqtan ótip jatyr. Qanatqaqty joba jaqsy nátıje kórsetýde.
«Sybaılas jemqorlyqty boldyrmaý jáne baqylaýdy kúsheıtý maqsatynda basqarý qurylymyn ózgertip, halyqaralyq sapa standartyn engizdik. Qurylys sapasyn FIDIK sharttaryna sáıkes baqylaýda ustap otyrmyz. Avtomobıl joldaryn basqarýdyń avtomattandyrylǵan júıesin ázirleýdemiz. Júrgizýshiler mundaı rejımde joldyń sapasyn kóre alady jáne óziniń marshrýtyn ózi josparlaıtyn bolady», dedi ol.
11 qazanda ótken Úkimettiń keńeıtilgen otyrysynda Prezıdent Nursultan Nazarbaev qurylys salasynda jańa tehnologııalar engizý esebinen kúrdeli shyǵyndardy arzandatý ári sapasyn arttyrý boıynsha jumystardyń nasharlyǵyn synaǵan-dy. Bul rette mınıstr Memleket basshysy aıtqan jańa tehnologııalarǵa qatysty jumystardyń júrgizilip jatqandyǵyn baıandap berdi.
Ábdirahman QYDYRBEK,
«Egemen Qazaqstan».
