Qoǵam • 22 Qazan, 2013

Aqparattar aǵyny

180 ret

kórsetildi

2 mın

oqý úshin

Egemen Qazaqstan

Ústimizdegi jyly Qazaqstanda 20 mln. tonna astyq jınaldy. Azyq-túlik korporasııasynyń basqarma tóraǵasy Nurlan Ospanovtyń aıtýynsha, onyń 76,5 paıyzy bıdaı, al qalǵany arpa jáne basqa dándi daqyldar bolyp tabylady.

2014 jyly «Astana-Shýche» avtobanynan 1 mlrd. teńgeniń kirisi túsedi. Keshe muny Kólik jáne kommýnıkasııa mınıstri Asqar Jumaǵalıev málimdedi. «Biz qazirge deıin bul trassadan 350 mln. teńgege jýyq aqsha aldyq. Kelesi jyly bul birneshe eselep artady», – dedi ol.

Elimizde sport seksııalaryna tartylǵan oqýshylar sany 27 paıyzdan aspaıdy. Sport jáne deneshynyqtyrý isteri agenttiginiń tóraǵasy Erlan Qojaǵapanov mektepte deneshynyqtyrý páni sabaǵy saǵatynyń qysqarýy da balalar densaýlyǵyna áser etetinin atap ótti.

«Astana-Atyraý» júrdek poıyzy 24 qazannan bastap kúnara júretin bolady. Poıyzdyń jańa quramy 27 vagonnan turady, onyń 22-si jolaýshylar tasymaldaýǵa beıimdelgen. Atap óterligi, bul júrdek poıyz joldaǵy ýaqytty 1,5 esege qysqartady. Atap aıtqanda, sońǵy núktege 33 saǵat ornyna 22 saǵatta jetedi.

Ońtústik Qazaqstanda maqta óńdeıtin zaýyt iske qosyldy. Ol Shardara aýdanynyń Uzynata eldi mekeninde 2012 jyly bastalǵan.

Qyzylorda oblystyq prokýratýrasy jemqorlyqqa qatysty 13 mln. teńgeni memleketke qaıtardy. Bul týraly habarlaǵan oblystyq prokýratýranyń basqarma aǵa prokýrory Nurbolat Dúısenbaev osyǵan oraı memlekettik qyzmetkerler ústinen5 qylmystyq is qozǵalǵanyn aıtty.

Pavlodar jastary shabaqtardy qutqarý isine uıytqy boldy. Olar bir kúnniń ishinde kólshikterden 100 myńdaı usaq balyqty aýlap, iri sý qoımalaryna jiberdi.

Týla dárigerleri Atyraýda balalarǵa ota jasaýda. Keshe bastalǵan bul qaıyrymdylyq sharasy bes kúnge sozylady. Osymen Reseı mamandary Jaıyq jaǵalaýyndaǵy qalaǵa qatarynan jetinshi jyl kelip otyr.

«QazAqparat», «Qazaqstan jańalyqtary», Bnews.kz, TengriNews,

EgemenNews habarlary boıynsha daıyndaldy.