Jalpy, jobanyń ózi el damýyna úlesin qosyp júrgen keıingi býyn ókilderin nasıhattaý, olardyń eńbek tájirıbesin tanystyrý maqsatynda uıymdastyrylǵan bolatyn. Qazir bul maqsat tolyǵymen aqtalyp, «100 jańa esim» qatary jyl saıyn tolyǵyp keledi. Iаǵnı el úmitin aqtaıtyn jastardyń sany da ósip otyr degen sóz. «Osy joba arqyly túrli salada Qazaqstanda daryndy jastar bar ekenin kórsetkimiz keledi. Búginde olardyń tabysty tájirıbesi kóptep kezdesedi. О́kinishke qaraı, kúndelikti ómirdegi qarbalas jumystarmen osy adamdardy baıqamaı júrýimiz múmkin. Sondyqtan bul adamdardyń tabysty eńbek tájirıbesimen maqtanatynymyzdy kórsetkenimiz jón» degen bolatyn joba mańyzdylyǵy jaıynda aıtqan sózinde Prezıdent Ákimshiligi Basshysynyń orynbasary Dáýren Abaev.
Jobaǵa qatysyp, jeńimpaz atanǵandar qatary Jetisý jastary arasynda da bar. Zamandastarynyń arasynan top jarǵan talantty, taǵdyrly urpaqtyń qatarynda aımaqtyń áleýmettik – ekonomıkalyq, rýhanı damýyna úles qosyp júrgen kóshbasshylar tur. Solardyń biri – Eldar Saparov. Eldar «100 jańa esim – 2019» jobasynyń jeńimpazy. Eldar ol kezde oblystyq Azamattyq Alıans uıymyna jetekshilik etetin. Aımaqtaǵy qoǵamdyq uıymdardyń basyn qosatyn bul uıym túrli saladaǵy belsendilerdi ortaq ıdeıaǵa jumyldyryp, eldiń damýyna úles qosyp júr. Jobaǵa qatysýǵa usynys túskende Eldardy osy qoǵamdyq uıymnyń qatysýshylary birden qoldaǵan. Bul jas mamanǵa qoǵam belsendileri tarapynan júktelgen senim ǵana emes, onyń iskerligine berilgen baǵa men qurmettiń belgisi de edi. Nátıjesinde, Eldar Saparov «100 jańa esim» jobasynda basym daýyspen jeńiske jetip, jetisýlyqtardyń úmitin aqtady. Qazir Eldar oblystyq ishki saıasat basqarmasy janyndaǵy aqparattyq-taldaý ortalyǵynyń jetekshisi bolyp qyzmetke keldi. Qoǵamdyq uıymdardy ortaq múddege jumyldyryp, jumysyn dóńgeletip áketken jas mamanǵa endi sarapshylyq baǵyttaǵy jumysty jalǵastyrý mindeti júktelgen. Aıtpaqshy, Eldar Taldyqorǵan qalalyq máslıhatynyń eń jas depýtaty eken. О́z qatarynan ozǵan Eldarmen az-kem tildestik.
– Eldar, bir suhbatyńda «100 jańa esim» jobasy maǵan jeńis qana emes, jaýapkershilik te júkteıdi» degen oı aıtypsyń, qazir qoǵam aldyndaǵy ustanymdaryń ózgerip, jumysty jańa qyrynan júrgizý múmkindigi boldy ma?
– Kez kelgen istegi jeńisten keıin, moıynǵa artylǵan júktiń salmaǵy eki esege aýyrlaıdy. Bul – zańdylyq. Osydan baryp, qoǵam aldyndaǵy mindetiń aıshyqtalady emes pe? Meniń ustanǵan ustanymym negizgi baǵyttan aınyǵan joq. Tek qana, mańyzdylyǵy artty. Árdaıym usynǵan ıdeıa myqty bolsa, kez kelgen isti jańa qyrynan alyp júrýge bolady.
– Taldyqorǵan qalasyndaǵy eń jas máslıhat depýtaty ekensiń. Saılaýshylar aldyndaǵy mindet pen paryzdy qalaı ótep júrsiń? Jalpy, máslıhattarǵa jastar kóptep kelýi kerek pe?
– Jastar atynan meni depýtattyqqa laıyqty dep tanydy. Bul da maqtanyshtan buryn úlken syn boldy. О́ıtkeni bul jerde tek meniń emes barsha oblys jasarynyń ımıdji tur dep oılaımyn. Mindet pen paryzymdy qaı deńgeıde atqaryp jatqanym syrt kózge belgili. «Aqyldy aqyldymyn dese, onyń aqymaqtyǵy» degen sóz bar ǵoı, ózimdi maqtaýdan aýlaqpyn. Degenmen ár salaǵa jastardyń kelgeni durys. О́zgeshe baǵyt, jańa saryn alyp keledi ǵoı. Demek, alǵa jyljý bolady.
– «Prezıdenttik jastar kadrlyq rezervi» degen bastama bar, tańdaý túsken jastardyń alǵashqy legi memleket qyzmetine keldi. Jalpy, saıası bılikke jańa kózqarastaǵy, kreatıvti jastar kelýi qandaı ózgeris ákeledi?
– Jastardyń saıasatqa kelýi aldymen qoǵamdy jańashyldyqqa alyp keledi. Eski, qatyp qalǵan standarttardan arylamyz degen oıdamyn. Jyldamdyq pen shapshańdyq aldyńǵy orynǵa shyǵyp, jańa tehnologııalar mańyzdy orynǵa ıe bolyp, elge qolaıly jańa damý dáýiri qalyptasady.
– Maqsatqa jetý úshin úmitker jasqa qandaı qasıet kerek?
– Maqsatqa jetý úshin aldymen shydamdylyq jáne áreket qajet. Osy ekeýi jastardyń basty arqa súıeıtin kúshi bolýy shart syndy menińshe. Al qalǵany tájirıbemen keledi.
Jalpy, qazaqtyń baǵzyda aıtqan «Qataryńnyn aldy bol» degen bataly sózi búgingi «100 jańa esim» jobasyna qatysýshylarǵa qarata aıtylǵandaı. О́ıtkeni isimen úlgi, oıymen ozyq jas – eldiń erteńi. О́skeleń urpaqtyń ónegeli jolmen damýy memlekettiń irgesin nyqtap, keleshekke degen senimdi bekitedi. Al bolashaq el qyzmetshisiniń aldyńǵy sapynda «100 jańa esim» jobasynyń jeńimpazdary júrgeni ol senimdi eki eseleıtini jáne aıan.
Almaty oblysy
