"Kolledjderde pedagogıkalyq, IT, áleýmettik, gýmanıtarlyq baǵyttardaǵy mamandyqtar boıynsha qashyqtan oqytý, tehnologııalyq, agrarlyq, medısına, óner baǵyttary boıynsha aralas oqytý usynylady. Sáıkesinshi, zerthanalyq jumystar men óndiristik tájirıbeni shtattyq reımde júrgizýge múmkindik beremiz. Munda óte az bala qamtylǵan. Olar ózderiniń jumys oryndarynda bolady dep josparlanýda", dedi ol.
Mınıstrdiń aıtýynsha, alys aýyldyq jerlerde jáne shaǵyn qalalarda ornalasqan bir toptaǵy stýdent sany 15-ten aspaıtyn 9 myńnan stýdenti bar 102 kolledjde shtattyq rejımde jumys isteýge múmkindik alyp otyr.
"JOO-da oqytý negizinen qashyqtan júrgiziledi. Bakalavrıatta pedagogıkalyq, IT, áleýmettik, gýmanıtarlyq baǵyttardaǵy mamandyqtar boıynsha dáris jáne semınar sabaqtary qashyqtan ótkiziledi. Tehnıkalyq jáne agrarlyq, medısına men óner baǵyttary boıynsha dárister men semınarlar 70 paıyzy onlaın formatta, al zerthanalyq jáne praktıkalyq sabaqtar sanıtarlyq talaptardy qatań saqtaı otyryp, jeke-jeke ótkiziledi", dedi mınıstr.
Sondaı-aq magıstratýra men doktorantýradaǵy sabaqtar aralas prınsıppen oqytylady. Bolashaq dárigerler oqıtyn ınternatýra men rezıdentýrada oqýdyń basym bóligi dástúrli formatta júrgiziledi.
