Alty júzden astam úlesker óz páterin kútýde, dep habarlaıdy elorda ákimdiginiń resmı saıty. Nur-Sultan qalasynyń ákimi Altaı Kólginovtyń aıtýynsha, “Jaǵalaý-4" tobynyń qurylysy qaıta jandandy.
“Jumystardy aıaqtaýǵa memleketten qarajat bólindi. Qurylys sońǵy tórt jylda toqtap turǵan, sebebi sot prosesteri boldy. Nysanda qurylysshylardyń birinshi toby jumys jasap jatyr. Munda 600-den astam úlesker bar”, - dep jazdy A.Kólginov óziniń Instagram paraqshasynda.
Sonymen qatar qala ákimi tańerteńgilik aralaý barysynda birqatar áleýmettik turǵyn úı qurylysynyń barysymen tanysty (E34, E45 jáne E18; E32, E33 jáne E18 jobalyq ataýlary bar kósheniń qıylysy).
“Qurylys qarqynyn arttyrýdy tapsyrdym. Jumysshylar men tehnıkanyń sanyn kóbeıtý qajet. Bastysy sanıtarııa normalaryn qatań saqtalý kerek,” - dedi qala ákimi.
