Tabıǵatty qorǵaý zańnamasyn buzýǵa jol bermeý jáne aldyn alý boıynsha jedel-profılaktıkalyq is-sharalar aıasynda Túrkistan oblysy PD-niń polıseıleri brakonerlik jáne tabıǵı resýrstardy zańsyz óndirý faktilerin anyqtaý boıynsha reıdtik is-sharalardy jalǵastyrýda.
Mysaly, 4 tamyzda Maqtaaral aýdanynda túngi reıdter barysynda Túrkistan oblysy PD JPQ tabıǵat qorǵaý polısııasynyń qyzmetkerleri Maqtaaral APB tabıǵat qorǵaý ınspeksııasymen birlesip Syrdarııa ózeniniń jaǵasynda zańsyz balyq aýlaǵan eki brakonerdi ustady. Tártip saqshylary ustalǵan Keles aýdanynyń turǵyndary motorly qaıyq pen “qytaı torlary” arqyly zańsyz balyq aýlaǵanyn anyqtady. Polısııa qyzmetkerleri kúdiktilerden qaıyq jáne balyq aýlaý quraldaryn, 20 kelige jýyq zańsyz aýlanǵan sazan, móńke jáne kókserke balyqtaryn tárkiledi.
Tártip buzýshylarǵa qatysty polısııa qyzmetkerleri QR ÁQBtK-niń 383-babynyń 3-bóligi “Balyq aýlaý jáne balyq resýrstaryn jáne basqa da sý janýarlaryn qorǵaý erejelerin buzý” boıynsha ákimshilik hattama toltyrdy. Jınaqtalǵan materıaldar zańdy sheshim qabyldaý úshin sotqa jiberiledi.
