Aımaqtar • 05 Tamyz, 2020

Almatyda jyl basynan beri 3,5 myńdaı adam zeınetke shyqty

56 ret kórsetildi

Bıylǵy jyldyń 7 aıynda 3554 almatylyq jasyna baılanysty zeınetaqynyń taǵaıyndalýyna ótinish bildirdi. Aıta keteıik, ótken jyldyń dál osy kezeńinde 3303 almatylyq zeınetke shyqqan.

Jyl basynan beri respýblıka boıynsha 43 453 myńnan astam qazaqstandyq zeınetke shyqqan. О́tken jyly osy kezeńde 41 myńnan astam adam zeınetkerlikti rásimdegen.

Zeınetkerlikke shyqqandardyń arasynda Almaty (5 myńnan astam), Túrkistan (4,5 myńnan astam) jáne Shyǵys Qazaqstan (3,8 myńnan astam) oblystarynyń turǵyndary kóp. Eń tómengi kórsetkish Atyraý oblysyna tıesili, onda 7 aı ishinde 1295 turǵyn zeınetkerlikti rásimdegen.

Esterińizge salsaq, jasyna baılanysty zeınetaqy tólemderin taǵaıyndaý týraly ótinishti zeınet jasy tolǵanǵa deıin 10 kún buryn "Azamattarǵa arnalǵan úkimet" memlekettik korporasııasynyń front-ofısi arqyly berý kerek. HQO-ǵa barý úshin aldymen egov.kz portaly nemese eGovKzBot2.0 telegram-boty arqyly kezek ýaqytyn brondaý qajet.
Sondaı-aq koronavırýstyń taralýyn boldyrmaý maqsatynda memlekettik korporasııa eGov.kz portalyna elektrondy ótinishti jiberý arqyly qashyqtan zeınetaqy taǵaıyndaý múmkindigin qarastyrdy.

О́tinish berý úshin azamat elektrondyq sıfrlyq qoltańba nemese birjolǵy jasyrynsóz arqyly egov.kz portalyna kirý kerek. Sodan keıin "Elektrondyq ótinishter" servısin tańdap, qyzmetke onlaın tapsyrys berý qajet. Sodan keıin jeke aqparat, onyń ishinde elektrondy poshta mekenjaıy, telefon nómiri, qyzmet ataýy syndy basqa da málimetter toltyrylýy tıis.

Sondaı-aq qujattardyń skanerlengen nemese foto kóshirmelerin (qajet tizimdi 1414 baılanys ortalyǵynan nemese gov4c.kz veb-saıtyndaǵy "Memlekettik qyzmetter standarttary" bóliminen bilýge bolady), sonyń ishinde qyzmet alýshynyń jeke qoltańbasymen kýálandyrylǵan ótinishti de júkteý qajet. Joldanatyn tarap baǵanynda – "Azamattarǵa arnalǵan úkimet" memlekettik korporasııasynyń aımaqtyq fılıalyn tańdaý kerek.
О́tinimniń sońynda ESQ-men qol qoıylýy tıis.
Suraqtar týyndaǵan jaǵdaıda, memlekettik korporasııanyń qyzmetkerleri qyzmet alýshymen kórsetilgen telefon nómiri arqyly baılanysady.
Memlekettik qyzmet nátıjesi qyzmet alýshynyń jeke kabınetinde kórsetiledi.

Aıta ketý kerek, BJZQ-dan tólenetin tólemder men bazalyq zeınetaqy tólemderine ótinish kompozıt aıasynda bir ótinish arqyly usynylady.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar