Qazaqstan • 05 Tamyz, 2020

Mınıstrlik janýarlarǵa qatygezdik kórsetkenderdi jazaǵa tartýdy qoldaıdy

19 ret kórsetildi

Qazaqstanda jan-janýarlardyń ólimine ákep soqtyrǵan áreketi úshin qylmystyq jaýapkershilik engizý qajet, dep málimdedi QR Ekologııa, geologııa jáne tabıǵı resýrstar mınıstri Maǵzum Myrzaǵalıev. Ol bul pikirdi Parlament Májilisiniń bir top depýtattary ázirlegen "Janýarlarǵa jaýapkershilikpen qaraý týraly" zań jobasyn qoǵamdyq talqylaý nátıjesinde bildirdi.

"Biz zańnamany qatańdatýymyz kerek ári Qylmystyq kodekske normalar engizýimiz qajet dep sanaımyz. Eger janýarlarǵa qatygezdikpen qaraý faktileri tirkelse, bul ólimge, jaraqat alýǵa ákelip soqtyrsa, onda zańnamany qatańdatyp, mundaı áreketteri úshin qylmystyq jaýapkershilikti engizý qajet", - dedi Myrzaǵalıev sársenbide.

Ol sońǵy kezde janýarlarǵa qatygezdikpen qaraý faktileri jıilep bara jatqanyn atap ótti.

"Jaqynda ǵana BAQ-ta janýarlarǵa qatysty jaǵa ustatatyn áreketterdiń jańa faktileri týraly jarııalandy. Shymkentte er adam kóshede balalardyń kózinshe mysyqty atyp tastaǵan. Al Nur-Sultanda belgisiz bireýler mysyqty sharbaqqa ilip qoıǵan. Astanada taǵy bir kishkentaı bala mysyqty eń ústińgi qabattan baspaldaqtyń aralyǵyna laqtyrǵan. Mundaı qatygezdik birinshi ret bolyp otyrǵan joq", - dedi M. Myrzaǵalıev.

"Biz osy saladaǵy jaǵymsyz kórinisterdiń barlyq túrine naqty zańnamalyq tosqaýyl qoıýymyz kerek. Endigi ári qaıtalamaıtyndaı etip, zańbuzýshylardy qatań jazalaýymyz kerek. О́zderińiz biletindeı, búginde mundaı qylmystar úshin taǵaıyndalatyn jaza jumsaq, qatańdaýdy qajet etedi", - dedi Ekologııa mınıstrliginiń basshysy.

Mınıstr janýarlarǵa qatygezdik tanytýdyń sońy adamdarǵa qatysty qataldyqqa, odan ári aýyr qylmysqa da, psıhıkalyq aýytqýy bar adamdardyń paıda bolýyna alyp kelýi múmkin ekenin atap ótti.

M.Myrzaǵalıevtiń pikirinshe elimizde qylmystyq jazany engizýmen qatar, qoǵamda moral zańdaryn, barlyq tirshilik ıesine adamgershilikpen qaraýdyń normalaryn qaıta qurý qajet.

"Qoǵamdaǵy gýmanızmdi, sonyń ishinde ekologııalyq sanany tárbıeleý - bul qazirde biz atqaryp jatqan jáne sonyń ishinde Bilim mınıstrligimen birge jalǵastyra beretin aýqymdy jumystyń bir bóligi ǵana. Memleket basshysy Qasym-Jomart Kemeluly birneshe ret aıtqandaı, tabıǵat pen jan-janýarǵa izgilikpen qaraýdy bala jastan boıǵa sińirý qajet", - dedi ol.

Qoǵamdyq talqylaýǵa Májilis depýtattary, elimizdiń túrli salalyq qaýymdastyq, BAQ ókilderi jáne el azamattary qatysty.

Inucobo janýarlardy qorǵaý jónindegi respýblıkalyq qaýymdastyq basshysy Lılııa Sársenova pikirtalas barysynda sońǵy jyldary óńirlerde qańǵybas janýarlardyń sanyn azaıtý máselesin sheshý turǵysynda esh ózgeris joqtyǵyn atap aıtty.

Onyń aıtýynsha, sońǵy birneshe jyl ishinde elimizdiń bes óńirinde qańǵybas janýarlar sanynyń ósýi 21%. Al haıýandady aýlaý men joıýǵa bólinetin bıýdjet qarajaty 53%-ke ósken.

"Jyl saıyn ákimdikter janýarlardy aýlaý men joıýǵa bıýdjetten kóp qarajat suraıdy", - dedi ol.

Is-shara barysynda qatysýshylar «Janýarlarǵa jaýapkershilikpen qaraý týraly» zań jobasynyń normalaryn jaqsartý boıynsha usynystaryn aıtyldy. Turǵyndardyń usynystaryn qabyldaý aldaǵy bir apta boıy jalǵasady.

Mysaly, usynystardyń ishinde, kınologtardy oqytýǵa arnalǵan arnaıy oqý oryndaryn qurý, qalalarda ıtterdi serýendetetin jer belgileý, t.b. bar.

Mınıstrdiń aıtýynsha, ilespe zań jobasynda 300-ge deıin norma engizý josparlanǵan.

Sońǵy jańalyqtar

Tarıhı nysandar jańǵyrtylýda

Qazaqstan • Búgin, 13:05

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar