Aımaqtar • 05 Tamyz, 2020

Jambyl oblysynda koronavırýspen aýyrǵandar sany azaıyp keledi

58 ret kórsetildi

Búgingi tańda Jambyl oblysynda koronavırýs indetimen kúres oń nátıje berýde. Qabyldanǵan jedel sharalardyń nátıjesinde qaýipti dertten saýyqqan adamdar sany arta túsken. Jambyl oblysy ákimdiginiń málimetine sáıkes, sońǵy táýliktegi jaǵdaı boıynsha óńirde koronavırýs indetiniń rastalǵan jaǵdaılarynyń sany 3724-ke jetse, búginde onyń ishinde 3019 adam saýyǵyp, aýrýhanalardan shyǵarylǵan. Bul kórsetkish jalpy tirkelgen jaǵdaılar sanynyń 81 paıyzyn quraıdy eken. Sondaı-aq, kún saıyn 70-ke jýyq naýqas stasıonarlardan shyǵarylýda, - dep jazady Egemen.kz

Oblystyq densaýlyq saqtaý basqarmasy basshysynyń mindetin atqarýshy Hamıt Myrzaqasymovtyń aıtýynsha, sońǵy aptada ınfeksııalyq stasıonarlar men provızorlyq stasıonarlardaǵy naýqastar sany 15,4 paıyzǵa, reanımasııa bólimshelerinde 24 paıyzǵa azaıǵan. Sonymen qatar, ınfeksııalyq jáne provızorlyq stasıonarlardaǵy pasıentter qajetti dárilik preparattarmen qamtamasyz etilgen. Bul rette "SK-Farmasııa" jaýapkershiligi shekteýli seriktestigimen birlese otyryp, 7,6 mıllıard teńgeniń dári-dármekteri jetkizilgen. Sondyqtan da oblystyq medısınalyq mekemelerde dári-dármekterdiń bir aılyq qory qalyptasqan. Naýqastardyń densaýlyǵyn qalpyna keltirý úshin aýrýhanalarda 476 ottegi konsentratory, 167 ókpeni jasandy jeldetý apparaty bar. Maýsym aıymen salystyrǵanda ókpeni jasandy jeldetý apparatynyń sany 30 paıyzǵa, ottegi konsentratorlarynyń sany 70 paıyzǵa artqan.

"Dárigerler aýrýhanadan shyqqannan keıin de naýqastardyń jaǵdaıyn baqylaýdy jalǵastyrýda. Olarǵa bul iste emhanalar bazasynda qurylǵan mobıldi toptar kómektesýde. Top músheleri shyǵarylǵan emdelýshilerdiń jaǵdaıyn tekserip, qajetti kómekter kórsetedi", deıdi Hamıt Myrzaqasymov.

Sonymen qatar, atalǵan mobıldi toptar úı karantınindegi turǵyndardy da baqylaýǵa alǵan. Oblys boıynsha barlyǵy 214 mobıldi top jumys isteıdi. Al, olardyń quramyna 642 maman engen. Hamıt Myrzaqasymovtyń aıtýynsha, qazirgi tańda epıdemııalyq jaǵdaı turaqtalyp keledi. О́tken aptada koronavırýs indeti 1,2 esege, pnevmonııa 2,6 esege tómendegen. Al, jedel járdem shaqyrýshylar sany 11,4 paıyzǵa azaıǵan. Búgingi tańda óńirde koronavırýs indetiniń ekinshi tolqynyna qyzý daıyndyq jumystary júrgizilýde. Bul rette qosymsha taǵy 1600 provızorlyq jáne ınfeksııalyq tósek oryndaryn ashý, úsh aılyq dári-dármek qoryn qalyptastyrý josparlanýda.

 

Jambyl oblysy

 

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar