Almatyda áli 400-ge jýyq úıge jylý berilgen joq

Almaty qalasyna jylý 15 qazannan bastap berile bastady. Alaıda, jylý barlyq úılerge birdeı barǵan joq. Bul týraly «Almaty aqshamy» gazeti jazdy.

Naqty esepke júginsek, qaladaǵy 7 myńǵa jýyq turǵyn úıdiń 370-i jylýsyz otyr.«Búgingi tańda  qaladaǵy den­saý­­lyq saqtaý jáne bilim berý meke­meleri sııaqty áleýmettik nysan­dardyń 100 paıyzy jylý energııasy­men qamtamasyz etildi. Al turǵyn úılerdiń 95 paıyzy jylýǵa qosylsa, qalǵan 5 paıyzy jylýǵa qosyl­maǵan. Sebebi, bul úıler jylý berý maýsymyna daıyn  emes»,-deıdi Al­maty qalasy energetıka jáne kommýnaldyq sharýashylyq basqar­masy basshysynyń orynbasary Ǵanıbek Orazbaev.

Mamandardyń aıtýynsha, jylý­dyń shaharǵa birkelki berilmeýine páter ıeleri kooperatıvteri kináli eken.«Almaty jylý júıeleri» JShS bas dırektorynyń orynbasary Marına Iаkovleva bıyl Almatydaǵy kópqabatty úılerdiń jartysynan kóbi qysqy maýsymǵa tıisti deńgeıde daıyndalmaǵanyn atap ótti. Qys­qy maýsym qarsańynda jylý júıe­leri múlde jóndelmegen. Kóp jaǵdaıda, aǵymdaǵy jóndeý jumystarymen  shektelgen kórinedi. Munyń barlyǵy da PIK tóraǵa­lary­nyń óz qyzmetterine salǵyrtty­ǵyn ań­ǵartyp otyr. PIK-terdiń jylý júıe­lerin qysqa daıyndamaı, ózde­rine júktelgen mindetti durys atqar­ma­ýynyń saldarynan, páterlerge jylý mezgilinde berilmeı, turǵyndar sýyq páterde otyrýǵa májbúr bolyp otyr.«PIK-tiń basty mindetteriniń biri-kópqabatty turǵyn úılerdiń qys merzimine tolyq daıyndyqpen kelýin qamtamasyz etý.  Atap aıtqanda, olar, qubyrlardy tazalap, jelin shyǵaryp,  aqaýlary bolsa joıyp, júıelerdi jylý berý maýsymyna daıyndaýdy qamtamasyz etedi.  Bıyl kópqabatty úılerdiń jartysynan kóbi qysqy maýsymǵa tıisti deńgeıde daıyndal­mady. Sondyqtan, «Almaty jylý júıeleri» olarǵa jylytý maýsymyna daıyndyq aktisin bermedi. Jalpy, biz búgin qalaǵa jylýdy 100 paıyz berip, óz mindetimizdi tolyq atqaryp otyrmyz. Sondyqtan, eger úıińizde jylý bolmasa, PIK-ke baryńyz»,-deıdi «Almaty jylý júıeleri» JShS bas dırektorynyń orynbasary Marına Iаkovleva.

Qys­qy maýsym bastalǵanda páterge tıisti mólsherde jylý berilmese, turǵyndar úırenshikti ádetimen jylý ortalyq­taryna shaǵymdanatyny bar. Degenmen, páterdiń jyly bolýyna tek kommý­naldyq kásiporyn ǵana  emes, PIK-terdiń de jaýapty ekenin eskere bermeıdi. Qazir jergilikti bılik PIK ókilderinen kepildeme hat alyp, jylý ber máselesin ońtaıly sheshýge kirisip ketti...

Danııar Túımebaı.