Qoǵam • 05 Tamyz, 2020

Almatyda joǵalyp ketken jasóspirim tabyldy

670 ret kórsetildi

Almaty oblysynyń polıseıleri jıyrma kún buryn habar-osharsyz ketken 16 jastaǵy jasóspirimdi izdestirip tapty. Bul týraly Polisia.kz habarlaıdy, dep jazady Egemen.kz

Iz-tússiz joǵalǵan balanyń anasy ulynyń habarsyz ketkeni týraly habarlamany polısııaǵa uly úıden ketken kúnnen eki aptadan keıin ǵana bergen. Taldyqorǵan qalasynyń turǵyny 16 jastaǵy Darhan jaqyndarymen sózge kelip, 18 shilde kúni úıinen ketip qalǵan. Anasy osy ýaqytqa deıin balasyn óz kúshimen taýyp alýǵa tyrysqanymen, baılanysqa múldem shyqpaǵan ulyn taba almaǵan. Kóp ýaqyt habar almaǵan soń kóńiline kúdik uıalap, polısııa qyzmetine júgingen. Áıeldiń aıtýynsha, ol sońǵy ret ulyn úıde kórgende jaman oıǵa ıtermeleıtin belgiler bolmaǵan. 

– Aqparat alǵannan keıin jaqyn aýmaqty patrýldik polısııa jasaqtary men jedel-tergeý toby aralady. Baǵdar jasalyp, balaǵa izdeý jarııalandy. Toǵyzynshy synyp oqýshysy qurylys alańdarynyń birinen tabyldy. Onyń qurylys jumystaryna tabys tabý maqsatynda kelgeni belgili boldy. degenmen, ol týystaryna habar berýdi qajet dep sanamaǵan. Onyń aıtýynsha, ol úıine qońyraý shalǵysy kelgen, alaıda sol sátte uıaly telefonynyń qýaty taýsylyp qalǵan, – dedi Taldyqorǵan qalalyq Polısııa basqarmasynyń bastyǵy Asqar Nursapa.

Polısııa oqıǵanyń "sátti" aıaqtalǵanyn jáne jasóspirimniń jaýapsyz áreketteriniń sońy qaıǵyly jaǵdaıǵa aınalýy múmkin ekenin atap ótti.

– О́kinishke qaraı, balalardyń úıden óz betimen ketip, quqyq buzýshylyq jasaý derekteri jıi kezdesedi. Balanyń jeke tulǵalyq damýynda jáne onyń qoǵamdaǵy laıyqty minez-qulyq qasıetterin, jaǵymdy ádetterin qalyptastyrýda otbasy úlken ról atqaratyny barshaǵa anyq. Eshqandaı aldyn-alý jumystary bul ınstıtýttyń beretinin almastyra almaıdy. Onyń salmaqty ári mańyzdy ustanymy myńdaǵan jyldar boıy qalyptasqan. Iývenaldy polısııa qyzmetkerleri únemi balalar men ata-analarǵa qoǵamdyq oryndarda, otbasynda qaýipsiz júris-turys erejeleri boıynsha qundy usynystar beredi. Osy usynystardy barlyǵynyń nazarǵa alǵanyn qalaımyn, – dep tolyqtyrdy Asqar Nursapa.

Sońǵy jańalyqtar

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar