Elorda • 05 Tamyz, 2020

Karantın kezeńi áleýmettik kásipkerlikke qalaı áser etýde?

12 ret kórsetildi

Karantın jaǵdaıyna qaramastan, áleýmettik kásip óz jumysyn jalǵastyrýda. Bul týraly Nur-Sultan qalasy ákimdiginiń resmı saıtyna silteme jasaı otyryp Egemen.kz  habarlaıdy. 

Elordada 2996 ÚEU tirkelgen. Belsendi qyzmet etip jatqan 620 uıym bar. Onyń ishinde 10 uıym áleýmettik kásipkerlikpen aınalysady.

"Byltyrmen salystyrǵanda bıyl áleýmettik kásipkerliktiń sany artyp keledi. Máselen, 2019 jyly 1 ǵana áleýmettik kafe bolsa, bıyl taǵy bir kafe óz qyzmetin bastady. Al sheberhanalar sany 2019 jyly 6 bolsa, 2020 jyly 10-ǵa jetti", deıdi qalalyq Ishki saıasat basqarmasynyń úkimettik emes sektormen jumys bóliminiń basshysy Nurbek Pusyrmanov.

Máselen, Nur-Sultanda byltyr ashylǵan «Emoji» kafesi múmkindigi shekteýli jandarǵa kómek kórsetýdi maqsat tutady.

"Búginde kafelerdiń qyzmetine shekteý qoıǵannan keıin, onlaın jetkizý boıynsha qyzmet etip jatyrmyz. Qazirgi tańda 11 adam jumys isteıdi. Karantın talaptary saqtalady. О́zim medısına qyzmetkeri bolǵandyqtan, saqtyq sharalaryn qatań saqtaımyn. Dezınfeksııa jasalyp, temperatýra ólshenedi. Ujymda kóbine estý qabileti tómen jandar jumys isteıdi. Olar birin-biri jaqsy túsinedi, jumys jasaý da ózderine yńǵaıly", dep atap ótti "Emoji" kafesiniń basshysy Azamat Bazylov.

Búgingi tańda áleýmettik kásipkerlik memleket tarapynan qoldaý taýyp keledi. "Bıznestiń jol kartasy – 2020" memlekettik baǵdarlamasy boıynsha bıyl bólingen qarjynyń 20%-y áleýmettik kásipkerlikti qoldaýǵa baǵyttalǵan. Qazirgi kezde grant ıelený úshin qujattar qabyldanýda. Jeke kásipker Temirlan Ormanqulov qalaı grant utyp, óz isin ashqanyn aıtyp berdi.

"Men óz jobamdy qorǵaǵan kezde qatty ýaıymdadym. Biraq grantty jeńip alǵannan keıin, dybys jazý stýdııasyn ashý úshin ózim qalaǵan qajetti jabdyqtardy satyp aldym. Bul bizdiń jumysymyzdy damytýǵa jáne jedeldetýge, eń bastysy jaqsartýǵa múmkindik berdi. Klıentter kóp boldy, onyń ishinde iri kompanııalar da bar", deıdi T.Ormanqulov. Ol alda fotostýdııa qurý jáne ony odan ári keńeıtýdi josparlap otyr.

"Biz jastar úshin jańa jumys oryndaryn ashqymyz keledi", dep atap ótti jas kásipker.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar